NASA-nyń "Preseverance" dep atalatyn roveriniń Marsqa qonǵan segiz aıdan bergi jibergen sýretteri Qyzyl Ǵalamsharda kól bolǵanyn rastady. 

Fransıanyń Nant qalasyndaǵy "Laboratories de Planétologie et Géodynamique" zertteýshisi Nıkolá Mangold ǵylmı jańalyq týraly aıtty. Ol NASA-nyń baspasóz máslıhatynda "negizgi baıqaýdyń" Marstaǵy "Djezero kóli men ózen deltasynyń bolýyn birjolata rastaıtynyn" málimdedi. 

7 qazanda "Science" jýrnalynda jarıalanǵan zertteý Marstaǵy roverdiń kamerasy arqyly túsirgen sýretterge negizdelgen.

"Mundaı jaqsy saqtalǵan stratıgrafıa Marsta buryn-sońdy bolǵan emes" dedi Mangold.

Roverdiń alǵashqy sýretteriniń analızi boıynsha, 3.7 mld jyl buryn bolǵan ejelgi kól keıde ondaǵan kılometr qashyqtyqqa deıin tasyǵan. 

Bul nátıjeler endi NASA -nyń Marstaǵy úlgi taý jynystaryn qaı jerden alyp Jersharyǵa jiberetinine áser etedi. Taý jynystaryn jiberý 2031 jylǵa qaraı bolady dep kútilýde. Eger bul mısıa sátti aıaqtalsa, ǵalymdar Marsta joǵalyp bara jatqan tirshiliktiń usaq belgileriniń bar-joǵyn bilýi yqtımal.