Mekkede qajylyq kezinde qazaqstandyq Nursultan Alpysbaev qaıtys boldy. Bul týraly «Qamshy» portaly  Tengrinews.kz –ke silteme jasaı otyryp habarlaıdy.

 Er adam júrek talmasynan 25 qyrkúıekte kóz jumǵan, alaıda bul týraly búgin ǵana belgili boldy.

Alpysbaevtyń Gýmılev atyndaǵy Eýrazıalyq ulttyq ýnıversıtetiniń qyzmetkeri ekeni anyqtalyp otyr. "Iá, ol Mekkede qaza tapty, biraq onyń qaıtys bolý sebebi bizge belgisiz. Alpysbaev 1951 jylǵy, bizdiń oqý ornymyzda 1980 jyldan beri qyzmet etken. Onyń sońǵy qyzmeti: áleýmettik ǵylym fakúltetiniń deneshynyqtyrý kafedrasynyń aǵa oqytýshysy. Biz olardyń týystaryna kóńil aıtamyz", - dedi ýnıversıtettiń baspasóz qyzmetindegiler.

Buǵan deıin Mekkege jaqyn jerdegi aýrýhanada 24- qyrkúıekte Qazaqstannyń azamatshasy kóz jumdy, ol 78 jastaǵy zeınetker bolatyn.