Birikken Ulttar Uıymynyń basshysy Antonıo Gýterrısh álemniń qazirgi klımattyq jaǵdaıynyń máselesi óte mańyzdy ekenin aıtyp, osy aıdyń aıaǵynda ótetin "COP26" klımat konferensıasynyń mańyzyn atap ótti.

Birikken Ulttar Uıymynyń baǵalaýy qazirgi klımattyq kelisimderdiń "apatty" saldary bolatynyn kórsetedi.

Gýterrısh jaǵdaı osylaı kete berse "apatqa bir baǵyttaǵy bılet" alǵanmen birdeı bolatynyn jetkizdi.

"Men Glazgodaǵy kezdesýde sátsizdikke jol bermeý úshin áli de ýaqytymyz bar dep úmittenemin, biraq ýaqyt az, jaǵdaı qıyndaýda, sondyqtan qatty ýaıymdaımyn" dedi Gýterrısh.

Glazgo samıti 31 qazanda bastalady. Samıt ǵalamdyq jylynýǵa qarsy búkilálemdik maqsattardy kelisý úshin mańyzdy bolyp sanalady.

Al, álemniń eń iri ekonomıkasy bar G 20 elderi 30 qazanda Italıada kezdesedi. Ol kezde de ǵalamdyq klımat máselesi kóterilmek.