Tesla aksıalarynyń baǵasy shamamen 13%-ǵa ósip, avtoóndirýshiniń naryqtyq kapıtaly alǵash ret 1 trıllıon dollardan asty.

"Bloomberg" mıllıarderler ındeksi boıynsha, Tesla kompanıasynyń bas atqarýshy dırektory Ilon Mask bir kúnde  36,2 mıllıard dollarǵa baıydy.

"Bloomberg" qazir Masktyń baılyǵyn 288,6 mıllıard dollarǵa baǵalap otyr. Onyń jeke baılyǵy qazir Toyota-nyń 282 mıllıard dollarlyq naryqtyq qunynan asyp ketti. Ol sondaı-aq General Motors (83,9 mıllıard dollar) jáne Ford (62,8 mıllıard dollar) sıaqty kompanıalardan da aıtarlyqtaı dáýletti. 

Mask Tesla-nyń shamamen 20%-yna ıelik etedi jáne bul úles onyń baılyǵynyń negizgi draıveri bolyp esepteledi. Ol sonymen qatar "Boring Company" jáne "SpaceX" sıaqty kásiporyndardy qarjylandyrady.

Mask qańtarda "Amazon" kompanıasynyń negizin qalaýshy Djeff Bezosty basyp ozyp, álemdegi eń baı adam atanǵan. "Sodan beri olardyń oryndary birneshe ret aýysyp otyrdy" dep habarlady Bloomberg.

Endi Mask Bezostan 100 mıllıard dollarǵa jýyq asyp ketti. Bezostyń baılyǵy naryq jabylǵan kezde 192,6 mıllıard dollardy qurady.