M.Áýezov atyndaǵy Qazaq memlekettik akademıalyq drama teatry  9 qazanda Taraz qalasynyń Ortalyq stadıonynda Jabal Erǵalıevtiń «Qıly jol» tarıhı dramasyn qoıady. Bul týraly «Qamshy» portaly M.Áýezov teatrynyń Baspasóz qyzmetine silteme jasaı otyryp habarlaıy.  Joba jetekshileri: KSRO halyq artısi, teatrdyń kórkemdik jetekshisi Asanáli Áshimov,  QR eńbek sińirgen qaıratkeri, teatr dırektory Erlan Bilálov. Rejıseri – QR eńbek sińirgen qaıratkeri Áýbákir Rahımov. Rejıserleri: QR eńbek sińirgen qaıratkeri A.Kákisheva, E.Nursultan.  Sýretshisi – QR eńbek sińirgen óner qaıratkeri Esengeldi Tuıaqov. Sahna qozǵalysy: Á.Baılın, V.Goncharev, M.Aıdarqulov. Kompozıtory – Sh.Bazarqulova. Bıin qoıǵan – G.Muhamedjanova.

XVI ǵasyr. Altyn ordanyń ydyraǵan tusynda, jaq-jaq bolyp urysqan baıansyz qan tógis, qatigez shapqynshylyq meńdetken qazaq rýlaryn Ábilqaıyr hannyń tepkisi bir búıirden qysa túsedi. Týysqan ulystardyń aldynda ózara bas biriktirip, Orda tigip ornyǵa alamyz ba degen uly syn turdy. Osy shaqta Bolat sultannyń uly Kereı men Baraq hannyń uly Jánibek sultandar berekege belin býǵan eldi bastap qonys bolar meken izdep Moǵolstan hany Esenbuǵaǵa keledi. Sol tusta Shyǵysynda Qytaı, soltústiginde Oırattar, ońtústiginen Ábýseıit pen Júnis sultandar shabýyldap, Moǵolstanǵa qaýip tóńdirip turǵan-dy. Esenbuǵa qazaq rýlarynyń burynǵy ata qonysyn bólip berip, irgeles el retinde qondyryp, ózine qorǵanyc tabady. Bul kórinister basy qosylyp, berekesi uıysqan qazaq ulystarynyń Kereı sultandy aq kıizge otyrǵyzyp han kóterip, tarıh sahnasyna Qazaq Handyǵy kelgen sátke ulasady. Qoıylym dala jaýyngerleriniń urystary, aqyn-jyraýlardyń maqamdary jáne ulttyq dástúrlermen árlenedi.

Shejire-tarıh elimizdiń erteńin jas urpaqqa amanat etedi. Qoıylym Elbasymyz Nursultan Ábishuly Nazarbaevtyń táýelsizdik, birlik, azamattyq rýh týraly oılarymen túıindeledi.