Shymkent qalasynyń basty kósheleriniń biri bolǵan Respýblıka dańǵylynyń keshki shamdary jaryqdıodty LED shamdarǵa aýystyryldy.
Buǵan deıingi jaryqshamnyń qýattylyǵy 15 lúks edi. Qazirgi ornatylǵan jańa shamdardyń qýattylyǵy 30 lúksqa kóterildi.
Dańǵyl boıyndaǵy baǵanalarǵa 296 keshki sham ornatylsa, turǵyndardyń qaýipsizdigi úshin jaıaý júrginshiler jolyna 148 jańa jaryqsham qoıyldy.
Qalada jyl sońyna deıin 30 kósheniń jaryqshamy rekonstrýksıadan ótip, 104 kóshege jańasyn ornatý josparlanǵan. Bul jumystar «ABM Building 2007» merdiger mekemesi tarapynan atqarylýda.
Kóshelerdiń jaryqtandyrý dárejesin 2023 jyly 70 % jetkizý kózdelýde.
Pikir qaldyrý