Shymkent qalasyndaǵy onkologıalyq ortalyqta biregeı ota jasaldy. Dárigerler tuńǵysh ret qalqansha beziniń qaterli isigin tiliksiz aldy.

Ota jasalǵan 49 jastaǵy naýqasta birneshe jyl buryn qalqansha beziniń ústinde isik paıda bolǵan. Jyl ótken saıyn bul isik úlkeıip, jutyný men tynys alýdy qıyndatqan.

Onkohırýrgtar operasıa barysynda qalqansha bezindegi isikti endovıdeohırýrgıalyq ádispen aldy. Dárigerlerdiń sózinshe, naýqastyń qazirgi jaǵdaıy jaqsy. Bir-eki kúnde aýrýhanadan shyǵarýdy josparlap otyr.

Buǵan deıin mundaı ota onkologıalyq ortalyqta ashyq ádispen jasalynyp kelgen bolatyn. Mamandar endovıdeohırýrgıalyq ádispen jasalǵan operasıalardyń ashyq tilikten qaraǵanda artyqshylyǵy kóp ekenin aıtady. Operasıalardan keıingi asqynýlar óte sırek kezdesip, aýyrsynýdy basatyn dári-dármekterge muqtajdyq bolmaıdy. Eń bastysy mundaı ota tiliksiz jasalǵandyqtan moıynda tyrtyq qalmaıdy.

Osy operasıanyń Onkologıalyq ortalyqta kúndelikti tájirıbege enýine at salysqany úshin «Sofie Med» klınıkasynyń hırýrg dárigeri Mýhamedjan Nýrgazıevka ortalyq ákimshiligi alǵysyn bildirip otyr.

Dárigerler aldaǵy ýaqytta mundaı operasıalardyń úlesin arttyrýǵa nıetti.