Shymkent qalasynyń opera jáne balet teatry 30-31 qazan kúnderi el Táýelsizdiginiń 30 jyldyǵy qarsańynda E.Brýsılovskııdiń «Qyz Jibek» operasyn qaıta jańartyp, kórermen nazaryna usynbaq.

Bıyl elimizdiń mýzykalyq-sahna álemindegi tuńǵysh qazaq operasy «Qyz Jibektiń» dúnıege kelgenine – 87 jyl. Bul opera týyndysy barsha álemdi selt etkizip, yqlas-zeıinin ózine birden tartty. «Qyz Jibek» búgingi kúni ulttyq opera ónerinde eń uzaq baqytty ómir keshken qasıetti týyndy!

Ulttyq ónerimizdiń altyn qoryna engen 2 aktili 4 kórinisti opera Shymkentte 2010 jyly A.Altynbekovtyń rejıserligimen sahnalanǵan bolatyn.

Araǵa jyldar salyp, qoıylymdy jańasha stılde qoıý maqsatynda, Shymkent qalalyq opera jáne balet teatryna Reseı Federasıasynyń rejısery Mıhaıl Pandjavıdze arnaıy shaqyrtyldy.

Shymkenttikterge usynylatyn «Qyz Jibek» operasy ózge nusqalarynan múlde bólek qoıylym bolmaq. Úzdik týyndy endi Maıra Muhamedqyzy basshylyq etken Shymkent qalalyq opera jáne balet teatrynda jańa mýzykalyq redaksıada, jańasha baǵytta sahnalandy.

Sahnada arý Jibekti rólin Áıkerim Sháripbek pen jas solıs Juldyzaı Musaeva somdaıdy. Tólegen rólinde Mádihan Dýıseev óziniń án oryndaý sheberligimen kórermen kóńilinen oryn tappaq.

Shymkent qalasy ákimdiginiń baspasóz qyzmeti