Facebook óziniń korporatıvtik ataýyn "Meta" dep ózgertti. Ózgerister korporasıanyń Facebook, Instagram jáne Whatsapp sıaqty jeke platformalaryna qatysty emes, tek olarǵa ıelik etetin bas kompanıaǵa ǵana qatysty.

Metavers jáne Vırtýaldy shyndyq (VSH)

"Meta" sózi grektiń "arǵy" degen sózinen shyqqan.

Kompanıa vırtýaldy shyndyq sıaqty salalar týraly josparyn jarıalady.

Facebook basshysy Mark Sýkerberg "metavers" degen jańa ataýdy qoldanyp, adamdar vırtýaldy ortada oıyn oınaı alatyn, jumys isteı alatyn jáne sóılese alatyn vırtýaldy onlaın álemdi qurý josparyn jarıalady.

Aýtsaıderler úshin metavers vırtýaldy shyndyq nusqasy sıaqty kórinýi múmkin, biraq keıbir adamdar "bul ınternettiń bolashaǵy bolýy múmkin" dep sanaıdy.

Kompútermen salystyrǵanda, metaverstegi adamdar vırtýaldy álemge kirý úshin garnıtýrany paıdalanady.

Sýkerberg qazirgi brend "bolashaq bylaı tursyn, búgin jasap jatqanymyzdyń barlyǵyn kórsete almaıdy" dedi jáne ony ózgertý kerektigin málimdedi.

"Ýaqyt óte kele, biz metaversti kompanıa retinde qalyptasamyz dep úmittenemin. Qazir biz bıznesimizdi eki túrli segment retinde qarastyryp, esep berip jatyrmyz, biri qoldanylmaly jumysqa arnalǵan, ekinshisi bolashaq platformalardaǵy jumysymyz úshin. Sonymen qatar osynyń bir bóligi retinde biz jasaıtyn barlyq nárseni qamtıtyn, ózimizdiń kim ekenimizdi jáne neni qurýǵa úmittenetinimizdi kórsetetin jańa kompanıa brendin qabyldaýdyń ýaqyty keldi" dedi Sýkerberg.

Sondaı-aq kompanıa Kalıfornıa shtaty Menlo Park shtab-páterindegi bas barmaq joǵary kóterilgen "Unatý" logotıpin kók sheksizdik pishinine aýystyrǵan jańa belgini ashty.

Aqparatqa sáıkes, vırtýaldy álem barlyq salalarda qoldanylýy yqtımal. Jumys, oıyn, konsertter, dostarmen jáne otbasymen aralasýǵa deıin, is júzinde kez kelgen nárse úshin vertýaldy shyndyq paıdalanýǵa bolady.

Facebook 1 jeltoqsannan bastap "MVRS" dep atalatyn jańa aksıa kody boıynsha óz aksıalaryn satýdy bastaýǵa nıetti ekenin de málimdedi.

Jarıalanǵan "ishki qujattar" týraly daý 

Buǵan deıin kompanıanyń bedeline nuqsan keletin aqparattar jarıalanǵan. "The Washington Post" gazeti Facebook pandemıa kezinde saıasatkerlerden mańyzdy aqparat jasyrǵanyn habarlady. Gazettiń aqparatynsha, kompanıa vaksına týraly jalǵan aqparattardy jasyrǵan. 

Facebook-tyń burynǵy qyzmetkeri Frensıs Haýgen kompanıanyń ishki qujattaryn jarıalap, Facebook-ke qatysty jaǵymsyz oqıǵalardy málimdegen.

Haýgen "kompanıa paıdany qaýipsizdikten joǵary qoıady" dep jarıalady. Bul – onyń BAQ-qa taratqan "ishki qujattar týraly oqıǵalar serıasynyń" sońǵysy boldy.

Aqparatqa sáıkes, jasóspirimderdiń psıhıkalyq densaýlyǵyna Instagram-nyń  zıan keltiretini týraly zertteýler bolǵan jáne Facebook AQSH-tan tys platformalarynan óshpendilik sózderin joıýǵa tyrysyp, zertteýler jasaǵan.

Sarapshylar ne deıdi?

Sarapshylar Sýkerbergtyń bul qadamy nazardy Facebook-tyń aınalasyndaǵy jaǵymsyz oqıǵalardan basqa jaqqa aýdarý ekenin aıtady.

Synshylar "Facebook brendiniń jaǵymsyz ımıji qalyptasyp bara jatqan soń, osylaı jasaldy" dep sanaıdy. Keıbireýler bul qadamdy "kosmetıkalyq ózgeris" dep sıpattady.

Keıbir sarapshylar "Metavers áli joq. Sýkerberg onyń uzaq merzimdi ónim ekenin basa aıtty. Sondyqtan sizdiń negizgi usynysyńyzǵa múldem qatysy joq ataý bolýy múmkin. Facebook tabysynyń barlyǵy derlik Facebook pen Instagram jarnamasynan túsedi" deıdi.

Aıta keteıik, buǵan deıin de basqa ǵalamdyq teh-kompanıalar atyn ózgertkenin jarıalaǵan. Degenmen, kórnekti ózgeris bolmady. Mysaly, Google  ataýyn 2015 jyly "Alphabet"-ke ózgertti. Alaıda, Google-dyń atyn eshkim de "Alphabet" dep atamaıdy.