Shymkent qalasynda «Dala kilemderi» kórme jármeńkesi 2016 jyldan bastap ótkizilip keledi. Bıyl da «Bal Tekstil» kompanıasynyń uıymdastyrýymen 16 - 25 qazan aralyǵynda «Kórme» ortalyǵynda ótýde.

Jármeńke otandyq kilem sapasy sheteldik ónimderden kem túspeıtindigin dáleldep, halyq arasynda tanymaldyǵyn arttyrýdy maqsat etken. Otandyq ónimdermen qatar, Belgıa, Túrkıa, Iran, Reseı, Ózbekstan jáne Moldova elderiniń ónimderi de usynylýda.

Bal Tekstil 2011 jyldyń aıaǵynda «Ońtústik» AEA tirkelip, 2013 jyldyń qazan aıynda óz ónimin shyǵara bastady. Qazirgi tańda jylyna 5 mln sharshy metr kilem jáne kilem ónimderi men 4 000 tonna polıpropılendi jip ónimderin óndirýge qaýqarly. 300-ge jýyq adamdy jumyspen qamtamasyz etip otyr.

Kompanıa 2000-ǵa jýyq kilem dızaınyn jasap, halyqaralyq sapa konkýrstarynan júldeli oryndar ıelendi. Fabrıka ónimderi Qazaqstannyń búkil oblystarynyń qala, aýdan ortalyqtarynda halyqqa qoljetimdi baǵamen satylýda.