Shymkent qalasynda «Eńbek» memlekettik baǵdarlamasynyń birinshi baǵyty sheńberinde qysqa merzimdi oqytý kýrstaryna jumyspen qamtý ortalyǵynda jumyssyz retinde tirkelgen 18 jastan asqan jáne zeınet jasqa deıingi azamattar qatysa alady.

Al, stýdentter qatystyrylmaıdy. Oqýyn támamdaǵan azamattarǵa biliktilik kýálikteri beriledi. Sol qujat arqyly azamat memlekettik grantqa jáne jyldyq paıyzy 6% -dan aspaıtyn shaǵyn nesıege qujat ótkize alady.

Qalada bıyl oqytý kýrstaryna 2500-den astam azamat joldandy. Oqý merzimi - 3 aı (1 aı teorıa, 2 aı tájirıbe). Oqýǵa joldanǵan azamattarǵa aı saıyn shákirtaqy qarastyrylǵan.

Aıta ketsek, ótken jyly 1196 adam tehnıkalyq jáne kásiptik oqýdan ótken. Qysqa merzimdi kásiptik oqytýǵa 2000 adam joldanyp, 1990 azamat oqýyn bitirip, kýálikterin aldy. Nátıjesinde, qysqa merzimdi kásiptik oqytýdan keıin 1590 adam jumyspen qamtyldy.