Úshinshi megapolıs atanǵan Shymkentte qoǵamdyq baǵyttaǵy avtobýstar halyqqa kondýktorsyz qyzmet kórsetýdi bastady. Bul júıe álemde jáne elimizdiń Nur-Sultan, Almaty sekildi megapolısterinde iske asqan.

Qazirgi ýaqytta qalamyzdaǵy «T-Bas» tasymaldaýshy kompanıasyna tıesili №18 marshrýt synama joba retinde pılottyq rejımde kondýktorsyz qyzmet kórsetýde. Demek avtobýsqa mingen árbir azamat ózi elektrondy túrde jolaqysyn tóleıdi. Iaǵnı, qoǵamdyq kólikke mingen jolaýshylar jolaqyny ádettegideı «Tólem» kartasy, sms kod jáne QR kod arqyly tóleı alady. Biraq jol júrý aqysyn jınaıtyn adamnyń (kondýktor) kómeginsiz, ózi jasaıdy. Avtobýstaǵy jolaýshylardyń jol aqysyn tólegen nemese tólemegenin, eger qolma-qol tólem jasaǵan jaǵdaıda bılet alýyn Joba boıynsha aıaldama boıynda revızorly baqylaýshy mamandar tekserip otyrady.

Pılottyq jobanyń maqsaty - ashyqtyqty qamtamasyz etý, júrgizýshiniń jalaqysyn kóterý, turǵyndarǵa sapaly qyzmet kórsetý, jolaqy tólemin avtomattandyrý, jalpy alǵanda qoǵamdyq kólikterde mádenıettilikti qalyptastyrý.

Aıta keteıik, jol aqysyn tóleýdi avtomatty esepke alý júıesi, ıaǵnı «Tólem» engizilgen ýaqytta kondýktorlardyń qyzmetinsiz jumys jasaý Basqarma nazarynda boldy. Biraq qalamyzdaǵy halyqtyń ahýaly(mentalıtet) kótermegendikten jáne bul jobany engizip otyrǵan ınvestorlar qoldamaýy sebepti kondýktorlar qyzmet kórsetýin jalǵastyrǵan bolatyn.

Shymkent qalasy jolaýshylar kóligi jáne avtomobıl joldary basqarmasynyń málimetinshe, keler jyly jospar boıynsha barlyq baǵyttar boıynsha kondýktorlar alyp tastaý josparda bar.

Shymkent qalasynyń Aqparattyq-kommýnıkasıalyq ortalyǵy