Qazaqstanda «Veterınarıa týraly» Zańynyń 25 babyna sáıkes, jeke jáne zańdy tulǵalar jeke qojalyǵyndaǵy aýyl sharýashylyǵy janýarlaryn birdeılendirýge, asa qaýipti aýrýlarǵa qarsy ekpe júrgizýge mindetti.

Sonymen qatar, veterınarıalyq is-sharalar júrgizý barysynda veterınar dárigerge járdem kórsetýge, jańadan satyp alynǵan janýarlardy, alynǵan tólderdi, satqan janýarlardy, jappaı qyrylý jaǵdaılary boıynsha veterınarıalyq mamandarǵa habarlaýy tıis.

Qurmetti qala turǵyndary!

Qorańyzdaǵy 4 túlik mal birdeılendirmegen jaǵdaıda jáne jańadan satyp alynǵan janýarlar, alynǵan tól, olardyń soıylǵany týraly habarlamaǵany úshin mal ıesin Qazaqstan Respýblıkasynyń «Ákimshilik quqyq buzýshylyq týraly» Kodeksiniń 406 babyna sáıkes jaýapkershilikke tartý kózdelgen. Aýyl sharýashylyǵy janýarlaryn birdeılendirý, veterınarıalyq pasport berý veterınarıalyq dárigerleri tarapynan tegin júrgiziledi.
Shymkent qalasynyń «Veterınarıalyq qyzmet» MKK-nyń baılanys nómiri: 45-05-05, 45-05-22, 45-05-18.