№2 qalalyq aýrýhanasynda Jansaıa Bekejanova esimdi azamatsha 2021 jylǵy 11 qyrkúıek kúni 900 gramdyq sábıdi asa aýyr jaǵdaıda bosanǵan bolatyn. Jaqyn kúnderi perzenthana qabyrǵasynda qyrqynan shyqqan Aıala esimdi sábıdiń kázirgi salmaǵy - 1 kg. 425 gram, jaǵdaıy jaqsy.
Úshinshi nárestesin bosanǵan Jansaıa búgingi tańda aýrýhana qabyrǵasynda 40 kúnnen asa emdelip, perzenthana ujymyna, sonyń ishinde tikeleı Aıalanyń saýyǵyp ketýine óz septikterin tıgizgen neonatolog dárigerleri Nasıba Korganbaeva, Dınara Ashırbekova, Sýraıó Shadımetova, Saltanat Aımaǵambetova, náresteler bólimshesiniń medbıkeleri Aıgúl Jumashbekova, Ásel Kamalıdın, Samal Tursyn, Dılfýza Ergeshova, Kamshat Anýarbekova men Gúlshat Abılkasımovaǵa alǵysyn bildirdi, "búgingi tańda Asqar Muratuly basqaratyn aýrýhana ujymy tarapynan, Esengeldi Ibragımuly bastaǵan perzenthana bólimi mamandarynyń biliktiliginiń jáne durys jolǵa qoıylǵan qyzmettiń arqasynda halyqqa sapaly medısınalyq kómek kórsetilip jatyr, Aıalany emdeý jolynda osy qysqa ýaqyt ishinde ujym qyzmetkerlerimen bir januıadaı bolyp kettik, ujymnyń aldaǵy qıyn da jaýapty jumystaryna sáttilik tileımin" - deıdi Jansaıa.
Aıta keteıik aǵymdaǵy jyl basynan búgingi kúnge deıin №2 qalalyq aýrýhanasynyń perzenthanasynda 8 myńǵa jýyq náreste dúnıege kelgen.