Birinshiden, bul EVOLÚSIALYQ qaǵıdaty.

Eshqandaı da «alǵa ozý» bolmaýy tıis. Áleý­mettik saladaǵy barlyq ózgerister damý deńgeıi­men Qazaqstan ekonomıkasynyń múmkindikterine sáıkesýi tıis.

Jańǵyrtý úderisteriniń algorıtmi keıin qal­ǵan salalardy, óńirlerdi, áleýmettik toptardy qolda bar standarttar men áleýmettik damý kórsetkishterine «tartýǵa» arqaýlanýy tıis.

Ekinshiden, ORTAQ JAÝAPKERSHİLİK qa­ǵı­daty.

Áleýmettik jańǵyrtýdyń barysy men nátı­jesine jaýapkershilikti tek memleket pen onyń barlyq basqarý deńgeıleri ǵana emes, sondaı-aq jekemenshik qurylymdar, barlyq qoǵam bólisýi tıis.

Jańǵyrtýdyń tabystylyǵy úshin árbir azamattyń óz Otanyna paıdaly bolýy óte mańyzdy. Jańǵyrtý barlyq qazaqstandyqtarǵa qajet. Osyndaı túsinistik jaǵdaıynda ǵana keń kólemdi qoǵamdyq konsensýs pen tabysqa qol jetkizýge bolady.

Úshinshiden, ÁRİPTESTİK QATYSÝ qaǵıdaty.

Barlyq jumys memlekettiń, bıznes pen azamattyń tyǵyz ózara is-qımyly negizinde qurylýy tıis. Bul jerde bıliktiń mindeti - memleket, qoǵam men jeke adam múddesiniń rasıonaldy tepe-teńdigin qamtamasyz etý.

Shynaıy ádilettilik degenimiz, mine, osy.

Áleýmettik áriptestikti belsendi damytý, eldiń memlekettik emes sektoryn, birinshi kezekte, áleýmettik salany jańǵyrtýǵa qatysýyn keńeıtý úshin jaǵdaı jasaý mańyzdy.

Tórtinshiden, YNTALANDYRÝ qaǵıdaty.

Memleket qazaqstandyqtar óz betinshe óziniń ómir sapasyn jaqsarta alýlary úshin jaǵdaılar jasaýda. Memlekettik áleýmettik qoldaý adre­sat­tarǵa olardyń eńbek, shyǵarmashylyq jáne qoǵamdyq belsendiligin oıatýǵa baǵyttalyp otyr.

Iá, memleket kómektespeýge bolmaıtyn jerlerge kómek qolyn sozatyn bolady. Biraq azamat óziniń qolynan keletin sharýany ózi atqarýy tıis.

Jáne bul ádiletti bolmaq!

Taǵy da atap kórseteıin, búginde áleýmettik damýdyń jahandyq trendi «JALPYǴA ORTAQ EŃBEK QOǴAMYNA» ótýge baryp tireledi. Sondyqtan adal eńbekke yntalandyrýdyń jolyn tabý, eńbek tabystaryn qoǵamdyq yntalan­dyrý­dyń júıesin qurý - Qazaqstandaǵy áleýmettik jańǵyrtýdyń asa mańyzdy máseleleriniń biri.

Besinshiden, KÁSİBILİK qaǵıdaty.

Barlyq qabyldanatyn sheshimder egjeı-tegjeıli eseptelip, álemdik tájirıbeni oqyp-úırený negizinde ǵylymı dáleldengen utymdylyq qaperge alyna otyryp qabyldanýy tıis.

Mindetter men qaǵıdattardy naq osylaı túsiný áleýmettik jańǵyrtý úderisteriniń negizine jatqyzylǵany jón.