Joldaý-2012 áleýmettik saladaǵy jańǵyrtý úderisterine qýatty serpin berdi. Alaıda, is júzinde ázirshe problematıkalardyń eń ústińgi «qabaty» ǵana «ashyldy». Osy sebepti, olar odan ári sheshýdi qajet etedi. Bul týraly "Qamshy" portaly QazAqparatqa silteme jasaı otyryp habarlaıdy.

Sondyqtan, áleýmettik jańǵyrtýdyń barlyq memlekettik organdar basshylyqqa alýy tıisti barlyq úderisterin túsinýdiń birtutas pishinin aıqyndaý mańyzdy. Jáne bul túsinik barsha halyqqa qoljetimdi bolýy tıis.

Men ózimniń bolashaqty qalaı kóretinimmen bóliseıin.

Búginde áleýmettik jańǵyrtýdyń maqsat­tar­y men máni qoǵamdy jańa ındýstrıalyq-ınnovasıalyq ekonomıka jaǵdaıyndaǵy ómirge daıyndaýdan, Qazaqstannyń údemeli ekono­mı­ka­lyq damýy men qoǵamdyq ıgiliktermen keń kó­lem­di qamtamasyz etý arasyndaǵy ońtaıly tepe-teń­dikti tabýdan, quqyq pen ádilettilik qaǵıdat­tary­na negizdelgen áleýmettik qatynastardy bekitýden turady.

Jańǵyrtý úderisteri sheńberinde qandaı ma­ńyz­dy mindetterdi sheshý qajet? Bul tizim qurǵaq jáne uzaq-sonar kórinýi múmkin, biraq ony atap aıtqan jón.

● Janjaldy jaǵdaılardy eskertýdiń, retteý men sheshýdiń ádiletti zańdary men naqty quqyqtyq normalaryn, sondaı-aq áleýmettik qatynastardyń barlyq júıesiniń qyzmetin qabyldap, iske qosqan utymdy.

● Qazaqstandyqtardyń sapaly áleýmettik úlgi-qalyptary men kásibı biliktiligi júıesin, ásirese ekonomıkalyq belsendi turǵyndardyń arasynda jasap engizý mindeti tur.

● Negizinde memlekettiń, jeke sektor men kásibı birlestikterdiń áriptestik mehanızmderi bolatyn áleýmettik-eńbek qarym-qaty­na­sy­nyń tıimdi modelin qurý mańyzdy.

● Qazaqstandyqtardyń ómirinde ózin ózi uıymdastyrý, onyń ishinde jergilikti ózin ózi basqarý organdary bastaýyn damytyp, azamat­tar­dyń áleýmettik bastamalaryn júzege asyrýda naqty tetik bolýy tıisti azamattyq qoǵam ınstıtýttaryn «zamanalyqqa aınaldyrý» kerek.

● Qazaqstan qoǵamy ómiriniń aqparattyq quramdasyn birshama joǵarylatyp, Internet-tehnologıanyń múmkindikterin azamattardy aqpa­rat­tandyrý, sondaı-aq memleket pen turǵyn­dar­dyń turaqty «keri baılanysyn» nyǵaıtý máselelerinde de keńeıtý mindeti tur.

● Orta taptyń úzdiksiz ósýine, ınovasıalyq ekonomıkanyń basty qozǵaýshy kúshi - kreatıvti taptyń paıda bolýy men damýyna jaǵdaı jasaý mańyzdy.

● Masyldyq pen áleýmettik ınfantılızm sekildi qubylystardy eńserip, jeke adam men bız­nes­tiń joǵary jaýapkershiligine, barlyq eńbek sýbektileriniń memleketke qatysty áriptestik ózara qarym-qatynasyna negizdelgen eńbek qyz­meti men ıgilikke jańa tartymdylyq engizý qajet.

● Jańǵyrtýdyń mańyzdy aspektisi - Qazaqstanda bıliktiń barlyq deńgeıindegi sarapshylar men menedjerlerdiń kásibı korpýsymen «tiginen» jáne «kóldeneńinen» qurylǵan áleýmettik úderisterdegi tıimdi memlekettik basqarý júıesin qurý.

Mine, barlyq memlekettik organdar osy mindetterdi sheshýge baǵdarlanýy tıis.