16-shy TAPSYRMA

1. Sport jáne dene shynyqtyrý isteri agenttigi:

- Ulttyq lotereıany damytý júıesiniń jańa tıimdi modelin usynsyn;

- qazaqstandyq komandalardyń shet elder chempıonattarynyń joǵary lıgalaryna (sporttyń ár túri boıynsha) qatysýyn ulǵaıtý jóninen usynys engizsin.

2. Sport jáne dene shynyqtyrý isteri agenttigi Mádenıet jáne aqparat mınıs­trligimen birlesip mamandandyrylǵan sport­tyq teledıdar arnasyn qurý jóninde usynys engizsin.

3. Sport jáne dene shynyqtyrý isteri agenttigi Bilim jáne ǵylym mınıstrli­gi­men birlesip Almatyda ótetin qysqy Ýnıversıada-2017 qarsańynda stýdenttik jáne balalar men jasóspirimder sportyn damytý jáne stýdentter men jasóspirimder klýbyn qurý jóninde usynys engizsin.

 d) Halyqty áleýmettik qorǵaý jáne beıimdeý júıesin damytý.

Qazaqstandyqtardyń ómir súrý uzaqtyǵyn arttyrý, demek - zeınet jasyndaǵy, biraq eńbekke qabiletti jastaǵy adamdar sanyn arttyrý densaýlyq saqtaýdy damytýdyń naqty nátıjesi bolyp tabylady.

Búginde birqatar elder zeınetaqymen qamta­masyz etýde zeınetkerlik jastyń deńgeıin ulǵaıtý baǵytyndaǵy kózqarastardy qaıta qarastyrýda.

BEK-ke múshe elderde zeınetaqy jasynyń bir-birimen sáıkespeıtindigine nazar aýdarý qajet.

Halyqtyń áleýmettik álsiz toptaryna jatatyn azamattardy áleýmettendirý tetigin damytý qajet.

Bul, birinshi kezekte, múgedekter men múmkindigi shekteýli adamdar, kóp balaly otbasylar músheleri, zeınet jasyndaǵy adamdar jáne t.s.s.

Sonymen birge, negizgi kózqaras memleket qamqorlyǵy emes, osy azamattardyń ózderine, ózde­riniń áleýmettik paıdaly eńbekke jaram­dylyǵyna degen senimge ıe bolýlaryna kómek­tesetindeı jaǵdaı jasaý.

Bul turǵyda arnaıy zańnama, máselen, áleýmettik jumys oryndary týraly zań qajet.

Kámeletke tolmaǵan balalardy tárbıelep júrgen kóp balaly otbasylar men áıelderge qoldaý kórsetýdiń óbekteýsiz júıesin qurýdyń mańyzy zor.

Al bizde keıbir «qýshykesh» jumys berýshiler áıelderdi jumysqa qabyldaǵan kezde birden eki ótinish alady - jumysqa qabyldaý jáne jumystan bosatý týraly, eger júkti bola qalsa degen oımen. Bul masqara! 

 17-shi TAPSYRMA

1. QR Úkimeti 2012 jyldyń 1 qyrkúıegine deıin:

- «Nur Otan» HDP-men birlesip «Áleýmettik jumys oryndary týraly» arnaıy zańdy ázirleý týraly máseleni qarastyrsyn;

- eki aı merzim ishinde QR Prezıdenti janyndaǵy Áıelder isteri jáne ot­ba­sy­lyq-demografıalyq saıasat jónindegi ult­tyq komısıamen birlesip ata-ana­lardyń balalarynyń balabaqshalarda bolýyn tóleý jónindegi shyǵyndarynyń, olardyń otbasyndaǵy sanyna baılanysty, bir bóligine ótemaqy tóleýdi, bala kútimi boıynsha demalystan soń qaıtadan ju­mysqa shyqqan áıelderge memleket esebinenbiliktiligin arttyrý jáne qajetti jańa mamandyq alý múmkindikterin, QR Salyq kodeksine kóp balaly otbasylar úshin ta­bys salyǵy boıynsha jeńildikter týraly erejelerdi jáne basqalardy zańdy tur­ǵy­da retteý máselelerin qarastyrsyn.

2. QR Úkimeti QR Prezıdenti ja­nyn­daǵy Jastar saıasaty jónindegi keńespen birlesip:

- «Memlekettik jastar saıasaty tý­raly» QR Zańyna jas mamannyń már­tebesin quqyqtyq aıqyndaý,onyń eń tómengi áleýmettik paketi jáne basqa da máseleler boıynsha ózgerister engizý týraly zańdy qarastyrsyn;

- 2012 jyldyń sońyna deıin jastardy tehnıkalyq jáne kásiptik bilim alýǵa jáne ındýstrıalandyrý baǵdarlamasyna qatysýǵa yntalandyrý men tartýdyń naqty sharalaryn ázirlesin.

Basty baǵyt - jas qazaqstandyqtardy derbes ómirge, bastamashyl eńbekke beıimdeýdiń tıimdi júıesin qurý.

Men jas urpaqtyń el bolashaǵy úshin mańyzyn árqashanda atap kórsetip keldim jáne atap kórsete beremin. Memleket árbir jas adamnyń óz eline mindetti túrde qajet bolýy úshin bárin de jasaıdy.

Memlekettik jastar saıasaty týraly zańdy jańartý qajet. Jas mamandardy eńbekke ornalas­tyrýdyń kepildikteri men áleýmettik paket týra­ly, jastar tájirıbesin uıymdastyrýdyń tártibi týraly quqyqtyq normalar qajet.

Bizdiń jastar elespen ómir súrmeýge tıis. Qazaqstannan tys jerde jumaq joq. Esh jerde, álemniń eshbir elinde bárine birden ıe bolý múmkin emes.

Týǵan Qazaqstanda eńbek etip, óz áleýetterin júzege asyrýlary qajet.

Ol úshin memleket barlyq jaǵdaılar jasaýda jáne odan ári de jasaı beretin bolady.

Qazaqstandyq jastardyń keń kólemin tehnıkalyq jáne kásiptik bilim alýǵa jáne ındýstrıalandyrý baǵdarlamasyna qatysýǵa yntalandyrý men tartýdyń sharalaryn ázirleý mańyzdy.

4. Áleýmettik jańǵyrtýdyń aqparattyq-mádenı quramdasy

Qazaqstanda áleýmettik jańǵyrtý jahandyq aqparattyq dáýirde júzege asýda. Bul faktordy mindetti túrde eskerý qajet.

Jańǵyrtý úderisi, birinshiden, búkil qa­zaq­standyq sosıýmdy aqparattyq qoǵam jaǵdaıyna bastaýy tıis, ol álemdik damýdyń trendine tolyq sáıkes keledi. Jáne ekinshiden, Qazaqstanda ekonomıkanyń, áleýmettik júıe men saıasattyń buljymas damýynyń mańyzdy faktory bola alatyndaı aqparattyq-mádenı orta qurý qajet.

Qazaqstanda aqparattyq tehnologıalar re­kordtyq qarqynmen damýda. Aqparattyq keńistikti - komýnıkasıalyq jeliler men BAQ-tardy sıfrlandyrý joǵary qarqynmen júrýde.

Internetti paıdalanýshylar sany tek 2011 jyly ǵana Qazaqstanda 2 eseden astamǵa ósip, 8,7 mıllıon adamǵa jetti, ıaǵnı el halqynyń jartysynan asyp tústi. İs júzinde Qazaqstan qoǵamdy jappaı kompúterlendirýge jaqyndap keldi.

Búginde aqparattyq faktordyń barlyq óskeleń rólin eskere otyryp, men el Táýelsizdiginiń 20 jyldyǵyna arnalǵan saltanattaǵy baıandamamda aıtqanymdaı, «Aqparattyq Qazaqstan-2030» Memlekettik baǵdarlamasyn ázirleıtin ýaqyt keldi.

Birinshi. Osynaý strategıalyq qujatta «elektrondy úkimetti» is júzinde júzege asyrý mindetin alǵa qoıýdyń mańyzy zor.

Elektrondy úkimet týraly arnaıy zań qabyldap, memlekettik elektrondy qyzmet kórsetý úlgilerin ázirleý qajet.

Jergilikti deńgeıde aqparattyq tehnologıalardy paıdalaný múmkindikterin ulǵaıtý kerek.

«Elektrondy ákimdiktiń» oblys, qala, aýdan úlgisindegi úsh deńgeıli birúlgilik syzbasyn ázirleý qajet.

Sol sıaqty azamattardyń barlyq deńgeıdegi ákimderdiń, jergilikti sheneýnikter men jergilikti ózin ózi basqarý organdarynyń jumys tıimdiligine elektrondy baǵa berý júıesin qurý múmkin­dikterin de zertteý kerek.

Jergilikti bılik qoǵamnyń qaltqysyz nazarynda bolýy tıis.

Ekinshi. Intellektýaldyq aqparatqa qol­je­tim­diliktiń ınovasıalyq túrlerin damytý qajet, Qazaq ulttyq elektrondy kitaphanasynyń qoryn túbegeıli ulǵaıtý kerek.

İs júzinde ol - ulttyń elektrondy mıy. Sondyqtan áleýmettik mańyzdy basylymdar baǵdarlamasy boıynsha shyqqan barlyq kitaptardy QazUEK-ke qosý qajet. Sonymen qatar, oǵan jeke adamdar shyǵarǵan kitaptardy or­na­las­­tyrýdy yntalandyrý tetikterin de oılastyrý kerek.

Úshinshi. Otandyq BAQ-tardy jańǵyrtý baǵ­darlamanyń mańyzdy baǵyty bolýy tıis. BAQ salasy jýrnalısik etıkanyń Ulttyq kodeksiniń naqty úlgileri, sol sıaqty tutynýshyny burma­lan­ǵan jáne shynaıy emes aqparattan qorǵaıtyn zańdy normalar negizinde jumys isteýi kerek.

Tórtinshi. Eń bir qazirgi zamanǵy aqparattyq tehnologıalardy paıdalana otyryp Qazaqstan týraly jahandyq aqparatty ilgeriletý jónindegi jumystardy jalǵastyrý qajet. Atap aıtqanda, Qazaqstannan Shyǵys Azıa men musylman álemi elderine geografıalyq aqparattar aǵynyn ulǵaıta túsý kerek.

BEK boıynsha áriptesterimizben jáne bútindeı alǵanda eýrazıalyq keńistiktiń aqparat keńis­tigindegi tyńǵylyqty jumystar bizdiń aıryqsha mindetimiz bolýy tıis.

Biz úshin Qazaqstandy BEK pen TMD-ǵa tartymdy úlgi ete otyryp, eldegi jańǵyrtý úde­risiniń búkil yrǵaǵyn áriptes elder turǵyn­daryna jetkizý asa mańyzdy.