«Toqsan úıli tobyrdyń» qamyn oılap Qambar batyr talaı tún kóz shyrymyn almasa, sol babamnyń aıaq astynan «alqash», «shylymqor» bolyp shyqqanyn ýaıymdap men de úsh tún uıyqtamadym. Sárinjipovtiń mınıstrligi aıtqan «Qambar batyr» jyrynyń on toǵyz nusqasyn bolmasa da birazyn paraqtaýǵa týra keldi. Erterekte enip ketken, «tobyr qazaqqa» ádeıi jazylǵan Dıvaevtiń nusqasyn oqýlyqqa engizýdiń qanshalyqty qajeti boldy degendi báribir túsine almadym. Bul joly da ádeıi jasalǵan sıaqty. Áıtpese, Keńes ókimeti tusyndaǵy oqýlyq qurastyrýshylarymyz mynadaı anaıy nusqanyń bar ekenin bilmedi deısiz be? Bildi! Bilgen soń Ázaǵamyzǵa, Ázilhan Nurshaıyqovqa tapsyrys berip, tárbıelik, patrıottyq mazmundaǵy «Qambar batyrdy» jazdyrdy. Oqýlyqqa engizdi. Bútindeı bir urpaq sonymen tárbıelendi. Munda araq ta, sharap ta, shylym da joq. «Sapyrylǵan sary qymyz» bar. Sońyndaǵy Qambardyń sózi qandaı!
«Qazaqtyń jeri dosqa-jannat, týysqa-jazıra, dushpanǵa-tozaq! Biz óz jerimizdiń bir japyraǵyn basqaǵa bermeımiz...»
Búgingi urpaqqa kerek sóz osy emes pe? Sárinjipovter Qambardy bilse mundaı masqara bolmas edi ǵoı...

Arman Sqabylulynyń «Facebook» paraqshasynan alynǵan