Abaı aýdanynyń ákimi B.Parmanov bıyl 9 aıda atqarylǵan jumystar boıynsha Shymkent qalasynyń ákimine esep berdi.
323 myńdaı turǵyny bar Abaı aýdanynda atqarylǵan nátıjeli jumystar mejelengen 7 ındıkator boıynsha 100 paıyzdy kórsetip otyr. Atap aıtqanda: ınvestısıa, sanıtarlyq tazalyq, ashyq sport alańshalaryn salý, aryz-shaǵymdardy tómendetý, aýlalardy abattandyrý, biryńǵaı Aıkómek arqyly túsetin shaǵymdar men ótinishterdiń oryndalýy, sybaılas jemqorlyq áreketine jol bermeýin qamtamasyz etý.
Aýdan ákimi aýdan aýmaǵynda shaǵyn jáne orta kásipkerlik salasyndaǵy ınvestısıalyq jobalarǵa monıtorıń jumystar júrgizilip, 60 joba anyqtalǵanyn jetkizdi. Investısıalyq jobalardyń quny shamamen 25 mlrd. teńgeni quraıdy. Onyń ishinde toǵyz aıda 16 mlrd teńgeni quraıtyn 30 jobany tirkeý jumystary júrgizilgen. Qalǵan 9 mlrd. teńgeni jyl sońyna deıin tapsyrý josparlanýda.
Sondaı-aq, shalǵaı ornalasqan 10 eldimekenniń ózekti máselesi sanalatyn ınfraqurylym búginde sheshimin taýyp keledi. 2020-2021 jyldar aralyǵynda aýyz sýǵa 9,9 mlrd, elektr jaryǵyna 3,4 mlrd, tabıǵı gazǵa 767 mln. teńge bólingen.
Ótken jyldan beri qurylys jumystarynyń qarqyndy júrý nátıjesinde 2022 jyly Abaı aýdanyndaǵy aýyz sý, elektr jaryǵy jáne tabıǵı gaz júıesi 100 paıyz sheshimin tappaq. Qurylys jumystarynyń júzege asyrylýy saldarynan aryz shaǵymdar da kúrt azaıǵan.
Qala ákimi árbir eldimeken turǵyndarymen kezdesip, olarǵa atqarylatyn jumystar jóninde baıandap túsindirip otyrýdy, qurylystar kestege sáıkes óz merziminde aıaqtalýyn qatań baqylaýdy tapsyrdy.
