Abaı aýdanynda 34 eldimekenniń 24-i sapaly aýyz sýmen qamtylyp, ol 71% qurap otyr. 10 eldimekenniń 5-i uńǵyma sýyn paıdalanady (Jańatalap, Igilik, Táýelsizdikke – 20 jyl, Kókbulaq, Qyzyljar). Ótken jyly sapaly aýyz sýmen qamtý úshin qarjy qaralyp, qurylys jumystary júrgizildi.

Bul jóninde Abaı aýdany ákimi B. Parmanov, M. Áıtenovtiń qatysýymen ótken 9 aıdyń esebi jıynynda baıandap ótti.

Qalǵan 5 eldimeken (Yntymaq-2, Yntymaq-2 Batys, Nurshýaq, Agrofırma Qarasý, Jańatalap jańaqurylys) aptasyna 2 ret ár úıge 400 lıtrden sý tasymaldanýda. Yntymaq-2, Yntymaq-2 Batys, Nurshýaq shaǵyn aýdandarynda qurylys jumystary júrip, búginde 98 paıyzy aıaqtaldy.

Kómeshbulaq sý kózinen Q.Tólemetov kóshesine deıingi magıstraldyq sý qubyrynyń qurylysy jyl sońyna deıin aıaqtalady. Nátıjesinde Jańatalap, Igilik, Táýelsizdikke – 20 jyl, Kókbulaq, Qyzyljar, Yntymaq-2, Yntymaq-2 Batys, Nurshýaq shaǵyn aýdandary sapaly aýyz sýmen tolyq qamtylatyn bolady.

Aqtas-2 turǵyn alabynyń aýyz sý júıelerindegi qurylys jumystaryn merdiger «Qurylys T ı K» júrgizýde. Qurylystyń 98 paıyzy aıaqtalǵan. Jyl sońyna deıin tolyǵymen turǵyndar ıgiligine beriledi.

Qursaı jáne Arǵymaq shaǵyn aýdandaryn sapaly aýyz sýmen qamtamasyz etý maqsatynda qarjy qaralyp, merdiger «Regolıt» JSHS tarapynan qurylys jumystary júrgizilýde. Jumystar 2022 jylǵa ótpeli.

Nátıjesinde jyl sońynda aýdannyń aýyz sýmen qamtý kórsetkishi 93 paıyzdy quraıtyn bolady.