Amerıkalyq joǵary zańger sarapshylar AQSH eks-prezıdenti Donald Trampqa qarsy aıyp taǵýǵa qosymsha sebepteri bar dep sanaıdy.

Pensılvanıa ýnıversıtetiniń profesory Kler Fınkelshteın jáne Mınnesota ýnıversıteti zań mektebiniń profesory Rıchard Peınter "Slate" jýrnalyna jazǵan maqalasynda qylmystyq is júrgiziletinin aıtady.

Olardyń sózinshe, kez kelgen qorqytý qylmys bolyp sanalady. Qorqytý, buıryq berý nemese Federaldyq úkimettiń kez kelgen qyzmetkerin kez kelgen saıası qyzmetpen aınalysýǵa májbúrleý áreketterin jasaǵan adamdar úsh jylǵa deıin bas bostandyǵynan aıyrylady.

"Tramp joǵaryda atalǵan ýájge sáıkes saıası májbúrleý úshin jaýapqa tartylýy múmkin" deıdi olar.

Sarapshylar Tramptyń birneshe esepterine nazar aýdarady. AQSH eks-prezıdenti FBR basshysy Djeıms Komıge qysym kórsetken; Aq úıdiń zańgeri Don Makgan, Djordjıa memlekettik hatshysy Bred Raffensperger sıaqty shtattyń saılaý sheneýnikterine qysym jasalǵany jarıalandy.

Vıse-prezıdent Maık Pens te Tramptyń májbúrleý taktıkasyna ushyraǵany aıtyldy.

Buǵan deıin Tramptyń burynǵy bas strategi bir jylǵa túrmege otyrýy múmkin ekeni habarlanǵan.