29 qyrkúıek kúni «Nur Otan» partıasynyń Qaraǵandy oblystyq fılıaly janyndaǵy «Mıras» oblystyq qoǵamdyq keńesiniń otyrysy ótkizildi. Bul týraly "Qamshy" portaly http://nurotan.kz/-ke silteme jasaı otyryp habarlaıdy.
Qoǵamdyq keńes – konsýltatıvtik organ. Onyń negizgi maqsaty - shyǵarmashylyq zıaly qaýym ókilderiniń ıdeıalary men kúsh-qýatyn mádenıet pen óner, kınematografıa jáne tarıhı-mádenı murany saqtaý salasyndaǵy memlekettik saıasatty júzege asyrýǵa baǵyttaý.
Qoǵamdyq Keńes tóraǵasy: Qaraǵandy oblystyq máslıhatynyń hatshysy, zań ǵylymdarynyń doktory, profesor, QR ǵylym Akademıasynyń korespondent-múshesi Dýlatbekov Nurlan Orynbasaruly.
Qoǵamdyq keńestiń músheleri oblysymyzdyń, elimizdiń mádenıeti men ónerin damytýǵa súbeli úles qosqan, sonymen qatar, mádenıet salasynda qoǵamdyq qyzmetke belsene atsalysyp júrgen azamattar qatarynan qurylyp otyr.
Kún tártibinde tómendegi suraqtar qarastyryldy:
1.Qazaq handyǵynyń 550 jyldyǵyn atap ótýge arnalǵan is-sharalar;
2.Oblystaǵy tarıhı-mádenı mura eskertkishteriniń qazirgi jaı-kúıi.
Oblystyq mádenıet, muraǵat jáne qujattandyrý basqarmasynyń basshysy Aǵymbaev E.M. aıtýynsha Qazaq handyǵynyń 550 jyldyǵy aıtýly merekelerdiń aıasynda oblysta birqatar is-sharalar uıymdastyrylýda. Máselen, «Saryarqa kitaphanasy» serıasymen shyqqan 100 tomdyqtyń tusaýkeseri ótti. Oblystyń aımaqtarynda shyǵarmashylyq keshter, konsertter, aıtystar, iri festıválder, kórmeler jáne teatr qoıylymdar ótkizilýde.
Oblystaǵy tarıhı-mádenı mura eskertkishteriniń qazirgi jaı-kúıi boıynsha Aǵymbaev E.M. Qaraǵandy oblysy terıtorıasynda 2700 – den asa eskertkish tirkelgenin atap ótti. Josparǵa sáıkes 13 tarıhı eskertkishke restavrasıa jumystary júrgizilgen (Olar – Medetbaı, Mataq batyr, Aqpan, Shoń, Mineı qajy, Qulmuhamet Arystanbaıuly, Shaǵyr, Zylıha, Shora keseneleri, Bımendi Erdenulynyń meshit úıi, Atasý qola jáne erte temir dáýiri eskertkishteri, Besoba jáne Belasar arheologıalyq keshenderi). 2016 j. 11 eskertkishte qalpyna keltirý-restavrasıalyq jumystary qarastyrylǵan.
Otyrys barysynda qatysýshylar elimizde birinshi ret Qazaq handyǵynyń 550 jyldyǵyn atap ótý eń aldymen, bizdiń memlekettik tutastyǵymyzdy, Táýelsizdigimizdi, Máńgilik elge bara jatqan sara jolymyzdy aıǵaqtaıtyn, sondaı-aq, álemniń aldynda qazaq eliniń tamyry, tarıhy, tegi, memlekettik qalyptasý joly, úlgisi bar dep baǵalatatyn aıtýly shara ekedigin erekshe atap kórsetti.
