Búgin Shymkent qalasyndaǵy «Asar-2» shaǵyn aýdanynyń turǵyndary sapaly elektr qýatyna qol jetkizdi. Shaǵyn aýdandaǵy 2 765 abonent buǵan deıin jekemenshik transformator qyzmetin paıdalanyp kelgen bolatyn.

Búgin Shymkent qalasyndaǵy «Asar-2» shaǵyn aýdanynyń turǵyndary sapaly elektr qýatyna qol jetkizdi. Shaǵyn aýdandaǵy 2 765 abonent buǵan deıin jekemenshik transformator qyzmetin paıdalanyp kelgen bolatyn.

Shaǵyn aýdanǵa sapaly elektr qýatynyń berilýi, aýqymdy joba - «1-M-1» qosalqy elektr stansıasynyń paıdalanýǵa berilý nátıjesinde múmkin boldy. Qalanyń energetıka salasyndaǵy mańyzdy keshenniń iske qosylýyna Shymkent qalasynyń ákimi Murat Áıtenov qatysty. 

«Qalany sapaly  elektr qýatymen qamtý salasynda aýqymdy jumystar qolǵa alyndy. Elektr sapasy tómen 16 eldi mekende elektr jelilerin jańartý jumystary jalǵasýda. 7 eldi mekendegi qurylys jumystary jyl sońyna deıin aıaqtalady. Nátıjesinde 21 myńnan astam adam tutynatyn elektr qýatynyń sapasy artady, Jyldar boıy qordalanǵan máseleniń ońtaıly sheshimi úshin ýaqyt kerek.Energetıka mamandary baryn salyp eńbek etýde. Olardyń jumysyna túsinistikpen qarap, qoldaý kórsetýge shaqyramyn - dedi shahar basshysy.

«Asar-2» shaǵyn aýdanynyń ishki oramdyq kóshelerine 87 shaqyrymnan asatyn elektr jelileri tartylyp, 24 jınaqty transformator qosalqy stansıalary ornatyldy. Jańadan iske qosylǵan stansıadan qýat alýy josparlanǵan «Soltústik saıajaı», «Qaınarbulaq», «Dostyq» shaǵyn aýdandary, ishki oramdyq júıeleriniń qurylysy aıaqtalǵanda kezeń-kezeńimen qosylatyn bolady.