Nur-Sultanda Botaly kóshesinde ornalasqan kópqabatty turǵyn úıden órt shyqty. Bul týraly Nur-Sultan qalasy TJD baspasóz qyzmeti habarlady.

Tótenshe jaǵdaı 19 qarashada bolǵan. 

"Órt sóndirýshiler kelgen soń 18 qabatty "Evropeıskıı" turǵyn úı kesheninde №1 kireberiste 10-nan 18-qabatqa deıin shahtada elektr symdary janǵany anyqtaldy. Jalyn saǵat 16:14-te oqshaýlanyp, 16:17-de sóndirildi" dep habarlady elordanyń tótenshe jaǵdaı departamentiniń baspasóz qyzmeti.

Órt sóndirýshiler 6 adam, onyń ishinde 5 balany evakýasıalaǵan. Qazirgi tańda órttiń shyǵý sebebi anyqtalyp jatyr.

Kýágerlerdiń aıtýynsha, órt shyqqan úıden kómek suraǵan adamdardyń daýsy estilgen. Qazirge deıin zardap shekkender týraly aqparat joq.