G7 densaýlyq saqtaý mınıstrleri dúısenbide Kovıdtyń jańa "Omicron" nusqasynyń búkil álemge taralýyna baılanysty shekarany jabýǵa májbúrleý sharalary jaıynda shuǵyl jınalys ótkizedi. Sarapshylar jańa shtammnan týyndaıtyn qaýip deńgeıin anyqtaý úshin talqy ótkizbek.

Kezdesýdi G7 tóraǵasy Ulybrıtanıa kóterdi. Ulybrıtanıa mýtasıanyń jańa nusqasy anyqtalǵan elderdiń qatarynda.

Dúısenbide Japonıanyń premer-mınıstri Fýmıo Kıshıda "Biz daǵdarysqa qarsy sharalardy qoldanyp jatyrmyz" dep málimdedi jáne jańa nusqaǵa baılanysty barlyq sheteldikter Japonıaǵa kirýine tyıym salatynyn aıtty. Tyıym seısenbide kúshine enedi.

Japonıada halyqtyń 76%-dan astamy tolyǵymen ekpe alǵan. Kıshıda kelesi aıdan bastap vaksınasıalaýdy kúsheıtetinin málimdedi. Onyń sózinshe, bul jospar egde jastaǵy adamdar men medısına qyzmetkerlerinen bastap, barlyq adamdarǵa baǵyttalady.

Kovıdtyń "Omicron" shtammy alǵash ret Ońtústik Afrıkada tirkeldi. Japonıa barlyq sheteldik azamattardyń elge kirýine tyıym salǵan Izraılden keıingi ekinshi el. AQSH, Ulybrıtanıa, Brazılıa jáne Kanada sıaqty elder de saıahatqa shekteý engizdi.

Shtamm osy ýaqytqa deıin Eýropa, Afrıka, Amerıka jáne Azıanyń onnan astam elinde anyqtalǵan.