Aqtóbe oblysynyń ákimi Ońdasyn Orazalınniń tóraǵalyǵymen óńirdiń bıylǵy qańtar-qyrkúıek aılarynyń aralyǵyndaǵy áleýmettik-ekonomıkalyq damýynyń qorytyndylary qaraldy. Ekonomıka jáne búdjetti josparlaý basqarmasynyń basshysy Gúlqasıma Súıintaeva baıandama jasady.

«Toǵyz aıdyń qorytyndysy boıynsha negizgi áleýmettik-ekonomıkalyq kórsetkishter boıynsha oń dınamıka baıqalady. Máselen, ónerkásip ósimi - 104,8%, óndirilgen ónim kólemi - 1,5 trıllıona teńge”»,- dedi G.Súıintaeva.

Qurylys sektory103,4 % bolyp, turaqty ári joǵary qarqyndy ósim qamtamasyz etilgen, sonyń ishinde 624,8 m2 (112%) baspana paıdalanýǵa berildi. Negizgi kapıtalǵa túsetin ınvestısıa kólemi 130,5% nemese 557,6 mıllıard teńge.

Ońdasyn Orazalın sondaı-aq, Aqtóbe qalasy men aýdan ákimderine ekonomıkanyń barlyq salalaryna ınvestısıa tartýǵa erekshe nazar aýdarýdy tapsyrdy.

«Jyl qorytyndysy boıynsha ekonomıka ósimi keminde 104,1 %-dy quraý kerek. Osy maqsatqa qol jetkizý – bizdiń ortaq mindetimiz»,- dedi Ońdasyn Orazalın.

Budan ózge, óńir basshysy epıdemıologıalyq jaǵdaıdy, COVID-19-ǵa qarsy ekpe alý barysyn baqylaýda ustaýdy jáne osy aýrý kóbeıgen jaǵdaıda únemi daıyn bolýdy tapsyrdy.