Qytaılyq "Iýtý 2" aı roveri Aıdyń arǵy jaǵyndaǵy "jumbaq zat" dep sıpattalǵan tekshe tárizdi nysandy zertteýge bara jatyr.

–"Iýtý 2" mısıasynyń komandasy rover túsirgen birqatar fotosýretterdi zerttegennen keıin nysandy baıqady, – dep habarlady Qytaıdyń ǵarysh baǵdarlamasyna qatysy bar "Our Space" ǵylymı aqparat taratý quraly.

Jarıalanǵan málimet boıynsha, Aı krateriniń janyndaǵy jumbaq zat "Iýtý 2"-den shamamen 80 metr alysta.

"Bul nárse shynymen qyzyqty. Biz ony zertteý úshin qasyna barýymyz kerek" dedi mısıa tobynyń ǵalymdary.

Rover nysanaǵa jetýi úshin birneshe aı qajet. Óıtkeni Aıda Jerdiń ýaqytymen 14 kún kúndiz, 14 kún tún bolady. Kúndiz ǵana qozǵalatyn rover kúnine bir metrden az aralyqqa ǵana jyljı alady.