Almatyda Abaı dańǵylynyń batys baǵytqa qaraı uzartylyp jatqan tusy paıdalanýǵa berildi, dep habarlady qala ákiminiń baspasóz qyzmeti.

Abaı dańǵylynda Naýryzbaı aýdanynyń ákimshilik ortalyǵynda Momyshuly kóshesinen Alataý kóshesine deıin uzyndyǵy 3,5 km ýchaskeniń qurylysy aıaqtalýǵa jaqyn. Eki baǵyt boıynsha alty jolaq qarastyrylǵan.

"Áshimov kóshesiniń ústinen 400 metrlik estakada salyndy, onyń qozǵalysyn aıdyń sońyna deıin ashý josparlanýda. Bul telimde baǵdarshammen retteletin ýaqytsha qozǵalysynyń syzbasy uıymdastyrylǵan. Abaı dańǵylyn uzartý jobasyn iske asyrý barysynda Qarǵaly ózeni arqyly da kópir salyndy" delingen aqparattyq habarlamada.

Sondaı-aq Rysqulov dańǵyly men Emsov kóshesiniń qıylysyndaǵy jolaıryq ashyldy.

Baspasóz qyzmeti salynyp jatqan B. Momyshuly metro stansıasyn árleý aıaqtalyp, jabdyqtardy iske qosý-jóndeý júrgizilip jatqanyn málim etti. Jyl sońyna deıin B. Momyshuly jáne Saryarqa stansıalaryn tehnıkalyq iske qosý josparlanyp otyr.