Barshamyzǵa málim, ótken jyldyń 11 qarashasy kúni Prezıdent Nursultan Ábishuly Nazarbaev óziniń Qazaqstan halqyna dástúrli Joldaýyn usyndy. Jalpy, Memleket basshysynyń Joldaýy árbir jyly erekshe ózindik sıpattarymen este qalady.

Sol sekildi atalmysh qujattyń da erek­shelikteri mol. Kez kelgen isti, sharýany josparsyz, júıesiz júzege asyrýǵa bolmaıtyndyǵy sekildi bıylǵy Joldaý da el keleshegin aıqyndaýshy, uzaq merzimdi «Qazaqstan – 2050: Qalyptasqan memlekettiń jańa saıası baǵyty» strate­gıasynyń quramdas bóligi, onyń qalaı júzege asyrylyp jatqandyǵyn aıqyn­daýshy, taıaýdaǵy mindetterdi nusqaıtyn nurly joly. Joldaýdyń aty da osy ıdeıa­men úndes – «Nurly jol – bolashaqqa bastar jol». Memleket basshysy óz Jol­daýynyń basynda búgingi kúngi ha­lyqaralyq ahýal men álemdik saıası are­nada bolyp jatqan jaıttarǵa sholý jasaı kelip, álemdik ekonomıkanyń áli de ja­handyq qarjy-ekonomıkalyq daǵdarys saldarynan aıyǵa almaı otyr­ǵanyn, al keıbir jerlerde áli quldyraý jalǵasýda ekenin, geosaıası daǵdarys pen jetekshi derjavalardyń sanksıalyq saıasaty álemdik ekonomıkany qalpyna keltirýde qosymsha kedergiler týyndatyp jatqan­dyǵyna basa nazar aýdardy. 
Elbasymyz taıaýdaǵy jyldar jahan­dyq synaqtardyń ýaqyty bolady, álemniń búkil arhıtektýrasy ózgeredi jáne barlyq elder osy kúrdeli kezeńnen laıyqty óte almaıtynyn, bul shepten tek myqty mem­le­ketter, judyryqtaı jumylǵan halyqtar ǵana ótetin bolatynyn basyp aıtty.     Prezıdent óz sózinde Qazaqstannyń ke­zin­de syrtqy naryqtaǵy jaǵdaıy ońtaıly bolyp, munaı men bizdiń eksporttyq ónimderimizge baǵa aıtarlyqtaı joǵary deńgeıde bolǵan jyldary shıkizat ekspor­tynan túsken tabystardy Ulttyq qorǵa baǵyttaýdyń durys shara ekenin eske saldy. Shyndyǵynda da, bizdiń halyq «Bes kúndigin oılamaǵan erden bez» deıdi. Sol kezde erteńgi kúndi oılap, qor jınap, al búgin osy qordy halyq pen el ıgiligine jaratýdyń ýaqyty jetkendigine jáne osy qordy durys bólýdiń mańyzyna toqtaldy.
N.Nazarbaev bastalǵan jobalardy aıaqtaý jáne asa ótkir máselelerdi sheshý úshin Úkimetke Ulttyq qordan 500 mıl­lıard teńge kólemindegi ekinshi transh qarjysyn baǵyttaýǵa tapsyrma berdi, al ol qarjynyń qandaı maqsatqa jumsala­tyndyǵy Joldaýda aıqyn aıtylǵan.
Bul qujatta basty nazar elimizdegi jol qurylysyna aýdarylǵan.
Nursultan Ábishuly halyq arasyndaǵy «Eldiń órkenin bilgiń kelse, jolyna qara» degen qaǵıdany mysalǵa keltire otyryp, joldardyń shyn máninde, ómirdiń ózegi, baı­-qýatty tirliktiń qaınar kózi eken­digine erekshe toqtalyp, «Barlyq aımaqtar te­mir ­jolmen, tas jolmen, áýe jolymen ózara tyǵyz baılanysýy kerek. Astanada toǵysqan toǵyz joldyń toraby elordanyń jasampazdyq rýhyn taratatyn ómir-ta­myrǵa aınalýy tıis...» deı kele, aımaq­tardyń ózara baılanysyn jaqsartý eldiń ishki áleýetin arttyratyndyǵyn atap ótti. Shaǵyn jáne orta bıznes pen iskerlik belsendilikti qoldaý boıynsha jumysty jalǵastyrýdy, sondaı-aq iri kásipkerlikti jeńildikpen nesıeleýge qosymsha 100 mıllıard teńge bólý jos­parlanyp, tamaq jáne hımıa óner­kásibindegi, mashına jasaýdaǵy, sondaı-aq, qyzmet kórsetýler salasyndaǵy jo­balardy júzege asyrýdy qamtamasyz etý kózdelip otyrǵanyn tilge tıek etip ketti.
Sondaı-aq ındýstrıalyq ınfraqury­lymdardy damytý maqsatynda qurylys materıaldaryna, kóliktik-kommýnıka­sıalyq, energetıkalyq jáne turǵyn úı-kommýnaldyq salalar úshin ónimder men qyzmet kórsetýlerge úlken suranys týdy­rady, osy oraıda shaǵyn jáne orta kásip­kerlikti qoldap, kómek kórsetý maqsa­tynda Tutynýshylardyń quqyqtaryn qorǵaý komıtetine qarasty «Ulttyq saraptama ortalyǵynyń» zerthanalyq saraptama mamandary joǵaryda aıtylǵan sózderdi qýattap, halyqtyń sanıtarlyq-epıdemıologıalyq hal-ahýalyn jaqsartý maqsatynda túrli kúrdeli zerthanalyq saraptamalar júrgizýge árqashanda daıyn ekenin aıta alamyz.
Memleket basshysynyń sózimen aıt­qanda: «Nurly jol» jańa ekonomıkalyq saıasat – álemniń eń damyǵan 30 eliniń qata­ryna kirý jolyndaǵy bizdiń aýqymdy qadamymyz» bolmaq. Prezıdentimiz óziniń osy bir mańyzdy qujatynda barsha qazaqstandyqtardyń aldynda úlken de jaýapty jumystar turǵandyǵyn aıta kelip, jahandyq synnan ótý úshin bizdiń toptasa bilýimiz qajettigine basa nazar aý­darady. Joldaýda turaqtylyq pen kelisim, beıbitshilik ıdeıalaryna, jastardyń bizdiń bolashaǵymyzdyń tiregi ekendigine erekshe kóńil bólinip, «Nurly joldyń» osy ba­ǵyt­taǵy mańyzy da aıqyndala túsedi.
Joldaýda Prezıdent: «Jalpyulttyq ıdeıamyz – Máńgilik eldi basty baǵdar etip, táýelsizdigimizdiń damý dańǵylyn «Nurly jolǵa» aınaldyrdyq. Máńgilik el – eldiń biriktirýshi kúshi, eshqashan taý­sylmas qýat kózi. Ol «Qazaqstan – 2050» stra­tegıasynyń ǵana emes, HHI ǵasyrdaǵy Qazaqstan memleketiniń myzǵymas ıdeıa­lyq tuǵyry!
Jańa qazaqstandyq patrıotızm dege­nimizdiń ózi – Máńgilik el! Ol – barsha Qazaqstan qoǵamynyń osyndaı uly qun­dylyǵy. Otandy súıý – babalardan mıras bolǵan uly murany qadirleý, ony kózdiń qarashyǵyndaı saqtaý, óz úlesińdi qosyp, damytý jáne keıingi urpaqqa amanat etip tabystaý.
«Barlyq qazaqstandyqtardyń ju­mysynyń túpki máni – osy!» deıdi.
Biz de óz tarapymyzdan osy aıtylǵan sózderdi qoldap, qýattap, uly joldaǵy saparymyz sátti, bolashaǵymyz jarqyn bolyp, barshańyzǵa «Nurly joldy» jú­zege asyrýdaǵy isterińizge tabys tilegimiz keledi.
Shalǵynbaı Jandosov, 
Ulttyq ekonomıka mınıstrligi Tutynýshylardyń quqyqtaryn qorǵaý komıteti «Ulttyq saraptama ortalyǵy» respýblıkalyq memlekettik kásipornynyń Aqtóbe oblysy boıynsha fılıalynyń dırektory, medısına ǵylymdarynyń kandıdaty