Mańǵystaý oblysyndaǵy halyq narazylyǵyn qoldaý maqsatynda Almaty kóshelerine shyqqan azamattar jappaı qamalyp jatyr. Qamalǵandar arasynda narazylyq oryndarynan habar taratýǵa barǵan jýrnalıser de bar.

Almaty-Arena sport kesheni mańyna jınalǵan on shaqty adamdy polısıa súırep alyp ketken. Keshen mańynda ınternet buǵattalǵan, uıaly baılanys birde bar, birde joq. Ustalǵandar qatarynda Demokratıalyq partıa bastamashyl tobynyń jetekshisi Janbolat Mamaı da bary habarlandy.

Almatynyń Orbıta yqshamaýdanynda Oyan Qazaqstan qozǵalysynyń birneshe ókilin polısıa soqqyǵa jyǵyp, ustap áketken.

Sondaı-aı oqıǵa ornynan habar taratýǵa barǵan jýrnalıs Mıat Káshibaı men  Orda.kz saıtynyń tilshisi Bek Baıtasty polısıa qujatynyń barynan qaramastan ustap, kólikpen polısıa bólimine apara jatyr.

Mıat Káshibaı Facebook paraqshasynda ózin Almaty-Arena aldyndaǵy narazylyq kezinde ustaǵanyn, 20 shaqty adammen birge avtozakpen alyp bara jatqanyn habarlady.

Qazirgi ýaqytta qos jýrnalıs te telefonyna jaýap bermeıdi.

Buǵan deıin Azattyq radıosynyń jýrnalısi Qasym Amanjol kásibı mindetin atqaryp júrgeninde ustalyp, keıin bosatylǵan.

Budan bólek Orda.kz, Kaztag.kz saıttary buǵattalǵan. Saıt ókilderi buǵattaýda mıtıńterden habar taratýymen baılanystyrady.