Qazaqstannyń astanasy – Astananyń burynǵy ataýyn qaıtarý týraly petısıa iske qosylyp, qazirgi sátte oǵan 25646 qol jınalǵan. Onlaın petısıa egov.press platformasynda jarıalanǵan. Avtory – Danıar Búrkitbaev.

Petısıa avtory 2019 jylǵy naýryzda prezıdent jarlyǵymen eldiń bas qalasy Astana qalasy Nur-Sultan qalasy bolyp ózgertilgenin, sheshim áleýmettik jelilerde jáne qarapaıym halyqtyń ómirinde teris qabyldanyp, burynǵy ataý kúndelikti ómirde qoldanylatynyn aıtady.

"Qoǵamdaǵy kóńil-kúıdi eskere otyryp, Qazaqstan Respýblıkasynyń Prezıdentinen, el Úkimetinen jáne Parlamentinen Respýblıkamyzdyń elordasy – Astana qalasynyń burynǵy ataýyn qaıtarýdy suraımyz. Sonymen qatar, barlyq qalalardaǵy jergilikti bılik organdarynan Nazarbaev atyndaǵy kóshelerge memlekettigimizdi, birligimiz ben elimizdiń táýelsizdigin aıshyqtaıtyn beıtarap ataýlardy berýdi suraımyz" degen avtor Almaty qalasyndaǵy Nazarbaev dańǵylyn Respýblıka dańǵylyn dep ózgertýge bolatynyn jetkizdi.

Bastamaǵa ún qosyp, petısıaǵa qatysamyn deýshiler bolsa, MYNA jerdi basyp, platformaǵa óte alady.