Qundyz qalasynda talıbandyqtardyń bombalaýy saldarynan MSF medısınalyq qaıyrymdylyq kórsetý uıymynyń 3 qyzmetshisi qaza tapty. Bul týraly «Qamshy» portaly bbc.com-ǵa silteme bere otyryp habarlaıdy.

Taǵy 30 adam habar-osharsyz joǵalǵan. NATO-nyń habarlaýynsha, AQSH-tyń aýǵandyqtarǵa kómek retinde jibergen áýe shabýylynyń nátıjesinde qala mańynda bolǵan medısınalyq uıym zardap shekken bolýy múmkin.

Aıta keteıik, talıbandyqtar qalaǵa osy aptanyń basynda shabýyl jasaǵan bolatyn. Bul týraly «Qamshy» portaly aldyńǵy jańalyqtarynda jazǵan bolatyn. 

MSF dárigerleriniń bergen aqparaty boıynsha, senbi kúni túnde, jergilikti ýaqyt boıynsha 02:10-nan bastap klınıka bombalaýǵa birneshe ret dýshar bolǵan.

NATO-nyń málimdemesinde «AQSH áskeri Qundyz qalasynda jergilikti ýaqyt boıynsha túngi 02:15-te qarsylas topqa áýeden jappaı ereýil soqqy jasaǵan. Ókinishke oraı, sol shabýyl jaqyn mańda ornalasqan klınıka músheleriniń qurban bolýynyń sebebi bolýy múmkin», - delingen.

Sonymen qatar NATO-lyqtar bolǵan oqıǵaǵa baılanysty tergeý jumystary júrgiziletinin aıtty.

«Bul jaǵdaı barlyǵymyzdy úlken kúızeliske dýshar etti. Bul tek klınıka úshin ǵana emes, jalpy Densaýlyq saqtaý salasy úshin úlken qaıǵy bolyp otyr», - degen bolatyn MSF dırektory Bart Ianssens.

NATO áýe ushaqtary qalany jaqyn kúnderi qaıtarý úshin kúresýde. Talıbandyq búlikshilerdiń birazy perıfırıalyq aımaqtarǵa jiberilgenimen, áýejaı mańynda álige deıin qandy soǵys júrip jatyr.