Qazaqstandyqtar úshin beıbitshilik pen qoǵamdyq kelisim eń bıik qundylyq bolyp tabylady. Bul týraly Beıjińde ótken «Qazaqstan halqy Assambleıasy jyly: Qoǵamdyq kelisim men ulttyq birliktiń qazaqstandyq úlgisi» atty dóńgelek ústel barysynda QR Parlament Májilisiniń depýtaty Nadejda Nesterova málimdedi. Bul týraly "Qamshy" portaly Inform.kzke silteme jasaı otyryp habarlaıdy.
«Parlamentte saıası fraksıalar Qazaqstan halqy Assambleıasyna birlesken qyzmet, jumys týraly memorandýmǵa qol qoıý bastamasyn usyndy. Sebebi beıbitshilik pen qoǵamdyq kelisim máselesi - bul eń basty qundylyq. Qaı saıası maqsatty alsań da bári osy bir arnaǵa kep toǵysady. Qazaqstan halqy Assambleıasy otbasy tárbıesi, analarǵa keńes, adamgershilik pen qundylyqtardy dáripteý baǵytynda jumys istep, birlikke, yntymaqqa basa nazar aýdarady», - dedi ol.
Qazaqstan parlamentarııi delegasıa QHR-daǵy QR Elshiligine QHA-nyń 20 jyldaǵy qyzmeti týraly derekti fılm, assambleıa ǵylymı-saraptaý keńesi shyǵarǵan ádistemelik kitabyn ala kelgenin atap ótti.
Sharany QHR-daǵy QR Elshiligi uıymdastyrdy. Oǵan Shanhaı Yntymaqtastyq Uıymynyń (SHYU) bas hatshysy Dmıtrıı Mezensev, Qytaıdaǵy elshiler - Andreı Denısov (Reseı), Kanaıym Baktyǵulova (Qyrǵyzstan), Chınar Rýstamova (Túrkmenstan), Latıf Gandılov (Ázerbaıjan), tájik, belarýs, ýkraın dıplomattary, Qytaıdyń shet eldermen halyqtyq dostyq qoǵamy ókilderi, QHR memlekettik ulttar isi komıteti qyzmetkerleri, qytaılyq ǵalymdar toby ókilderi, BAQ jáne Beıjiń JOO-larynda oqıtyn qazaqstandyq jastar qatysty.
Eske sala keteıik, Qazaqstan halqy Assambleıasy tóraǵasynyń orynbasary - Qazaqstan Respýblıkasy Prezıdenti Ákimshiliginiń Qazaqstan halqy Assambleıasy Hatshylyǵynyń meńgerýshisi Eraly Toǵjanovtyń basshylyǵymen barǵan qazaqstandyq delegasıa quramyna Parlament Májilisiniń depýtattary Zýhra Saıapova, Nadejda Nasterova, «Duńǵan etnomádenı ortalyqtar qaýymdastyǵy» AA basqarmasynyń múshesi Shákir Hahazov, «Qazaqstan respýblıkalyq uıǵyr mádenı ortalyǵy» AA tóraǵasy Shaımardan Nurumov, QHA Almaty oblysy boıynsha hatshylyq meńgerýshisi Ǵabıt Tursynbaı, QR PÁ QHA hatshylyǵynyń ınspektory Edil Ospan, QR SİM syrtqy saıası taldaý jáne boljaý departamentiniń keńesshisi Aıda Ermekqalıeva kirdi.
