Bolat Tókejanov "Áleýmettik medısınalyq saqtandyrý qorynyń" (ÁMSQ) basshysy qyzmetinen ketti. Bul týraly KazTAG aqparat agenttigi habarlady.

Tókejanov atalǵan qyzmetke 2020 jyldyń 12 shildesinde taǵaıyndalǵan.

Eske sala keteıik, 2020 jyly elde koronavırýs pandemıasy órshigen tusta Áleýmettik medısınalyq saqtandyrý qorynda aýys-túıis bolǵan. 

2020 jylǵy 10 shildede prezıdent Qasym-Jomart Toqaev ÁMSQ jáne "SK-Farmasıa" basshylaryn qyzmetten bosatyp, qajet bolǵan jaǵdaıda tergeý júrgizýdi tapsyrǵan. Sol kúni densaýlyq saqtaý mınıstriniń buıryǵymen ÁMSQ burynǵy basshysy Aıbatyr Jumaǵulov qyzmetinen ketken bolatyn. Prezıdent sol kezde áleýmettik medısınalyq saqtandyrý qoryna isker adam kerektigin aıtqan.

Keıinirek prezıdent senim artqan Tókejanov jalaqy mólsherin jarıa etýden bas tartyp, janjalǵa tap boldy. Onyń áreketi qazaqstandyqtardyń narazylyǵyn týdyrdy. Jurtshylyq onyń komersıalyq emes aksıonerlik qoǵamǵa qatysty "komersıalyq qupıa" degen sózin quptamady. Jarna engizý mindettemesiniń erikti emestigi, qordyń top-menedjeri shyn máninde halyqtyń aqshasynan jalaqy ala tura eńbekaqy mólsherin "komersıalyq qupıa" deýi kópshiliktiń narazylyǵyn týdyrǵan.