Vashıngton "Reseı Ýkraınaǵa basyp kiretin bolsa, Máskeýden Batys Eýropaǵa tartylǵan negizgi qubyrdy toqtatamyz" dep málimdedi.

"Soltústik aǵyn 2" qubyry Reseıden Germanıaǵa tartylǵan. Beısenbi kúni Berlındegi sheneýnikterdiń aıtýynsha, eger Reseı shabýyl jasasa, joba sanksıaǵa ushyraýy múmkin.

Batys elderi de Reseı Ýkraınaǵa shabýyl jasaǵan jaǵdaıda qubyrdy nysanaǵa alatynyn aıtady.

Al, Reseı Kıevke shabýyl jasaýdy josparlap otyrmaǵanyn jetkizedi.

Degenmen, sońǵy aptalarda Ýkraına shekarasynda ondaǵan myń reseılik áskerdiń jınalýy shıelenisti órshite tústi.

– Men anyq aıtqym keledi: eger Reseı Ýkraınaǵa basyp kirse, "Soltústik aǵyn 2" jobasy toqtaıdy, – dep málimdedi AQSH memlekettik departamentiniń ókili Ned Praıs.

Al, Kreml NATO-men bolǵan kelissiózder týraly "optımızmge negiz az" ekenin jarıalady.

Reseı prezıdentiniń baspasóz hatshysy Dmıtrıı Peskov "dıalogty jalǵastyrýdyń árqashan bolashaǵy bar, bul – bizdiń de, amerıkalyqtardyń da múddelerine saı" dep málimdep, Reseıden jaqyn arada jaýap bolatynyn aıtty.

Reseı syrtqy ister mınıstri Sergeı Lavrov AQSH-tyń málimdemesi keıbir máseleler boıynsha "baıypty kelissózdiń bastalýyna" ákelýi múmkin ekenin aıtty, biraq "qujatta negizgi másele boıynsha oń jaýap joq" dep basa atap ótti. Sońynda "Kreml sheneýnikteri Pýtınge usynys jasaıdy" dep qorytyndylady Lavrov.

Vashıngton Reseıdiń Ýkraınaǵa shabýyl jasaý qaýpine baılanysty BUU-nyń otyrysyn ótkizýge shaqyrdy. Amerıka Qurama Shtattary kelesi dúısenbide BUU Qaýipsizdik Keńesiniń ashyq otyrysyn ótkizýge tyrysady. AQSH tarapy Reseıdiń "halyqaralyq beıbitshilikke aıqyn qaýip tóndirgenin" jáne "qaýipti áreket" jasap jatqanyn aıtady.

Ýkraına daǵdarysyna baılanysty batys elderi men Reseı arasyndaǵy shıelenis qalaı órbip jatqany týraly qysqasha aqparatty nazarlaryńyzǵa usynamyz: 

• "Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy.
• "Reseı Ýkraınaǵa basyp kirýi múmkin" degen qaýip kúsheıgen kezde AQSH-tyń Memlekettik hatshysy Entonı Blınken Eýropaǵa bardy. 
• "Barlyq nusqa tys qalmaıdy. Dıplomatıalyq nusqa da". AQSH memhatshysy Eýropaǵa nege bara jatyr?
• Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
• AQSH barlaý agentteri Reseı Ýkraınaǵa qashan shabýyldaýy múmkin ekenin jarıalady.
• Reseı soǵys ushaqtary Kıevke jaqyn Belarýs eline jınaldy.
• Aǵylshyn saıasatkeri Reseı Ýkraınaǵa basyp kiretini sózsiz ekenin jáne shabýyl jaqyn arada bolatynyn málimdedi.
• AQSH, Ulybrıtanıa Ýkraınaǵa qarý-jaraq jiberip jatyr.
• Danıa, Ispanıa, Fransıa jáne Nıderlandy Shyǵys Eýropaǵa joıǵysh ushaqtar men áskerı kemeler jiberýde.
• Reseı yqtımal shabýyl týraly aqparattardy joqqa shyǵardy.
• Germanıa qazirge Ýkraınaǵa qarý-jaraq bermeıtinin aıtty biraq medısınalyq kómek kórsetetinin jarıalady.
• Eki jaq (Batys-Reseı) soǵysqa daıyndyqpen qosa, dıplomatıalyq kelisimge kelýge tyrysýda.
• Fransıa men Germanıa Reseıdi dıalogqa shaqyrdy.
• Reseı, Ýkraına, Germanıa jáne Fransıa dıplomattary kelissóz júrgizdi.
• Batys elderi Ýkraınaǵa shabýyl jasalsa, zardaby aýyr bolatynyn málimdedi.
• AQSH óz azamattaryn Ýkraınadan shyǵyp ketýge shaqyrdy.
• "Biz qalaı bolsa da daıynbyz". NATO Reseıdiń talabyn toıtardy.
• Baıden: Bul – ekinshi dúnıejúzilik soǵystan keıingi eń iri shabýyl bolýy múmkin. 
• Baıden Reseıdiń Ýkraınaǵa qashan shabýyl jasaıtynyn aıtty.