Senat depýtattary Ulttyq bank tóraǵasy laýazymyna Ǵalymjan Pirmatovtyń kandıdatýrasyn maquldady.

"Memleket basshysy Ulttyq bank tóraǵasy Ǵalymjan Oljauly Pirmatovty taǵaıyndaýǵa usynys engizdi. Onyń qarjy jáne búdjet salasynda mol tájirıbesi bar. Senat reglamentine sáıkes usynylǵan kandıdatýra qarjy jáne búdjet komıtetiniń otyrysynda talqylandy" dedi senat tóraǵasy Máýlen Áshimbaev.

Ǵalymjan Pirmatovtyń ózi densaýlyǵyna baılanysty senat otyrysyna kele almady. Prezıdent ákimshiliginiń birinshi orynbasary Tımýr Súleımenov onyń koronavırýstan emdelip jatqanyn aıtty.

Buǵan deıin Ulttyq banktiń tóraǵasy laýazymynda bolǵan Erbolat Dosaev jaqynda Almaty qalasynyń ákimi qyzmetine taǵaıyndalǵan.

Ǵalymjan Pirmatov 1972 jylǵy 24 sáýirde dúnıege kelgen. 1993 jyly Novosibir memlekettik ýnıversıtetin "Mehanıka, qoldanbaly matematıka" mamandyǵy boıynsha bitirgen.

2005-2007 jyldary "Qazaqstan Halyq Banki" AQ jobalyq qarjylandyrý basqarmasynyń bastyǵy, ınvestısıalyq bankıng departamentiniń basqarýshy dırektory laýazymdaryn atqarǵan.

2007 jyly jeltoqsanda Ekonomıka jáne búdjettik josparlaý vıse-mınıstri laýazymynda boldy.

2009 jyldyń naýryz-shilde aralyǵyndaǵy "BTA Bank" AQ basqarma tóraǵasynyń birinshi orynbasary, basqarma múshesi boldy.

2009-2011 jyldar aralyǵyndaǵy kezeńde "QazAtomÓnerkásip" UAK" AQ Ekonomıka jáne qarjy jónindegi vıse-prezıdenti laýazymyn atqarǵan.

2015-2017 jyldary Ulttyq bank tóraǵasynyń orynbasary boldy.