"Amerıka Qurama Shtattary NATO-nyń "myqty qorǵanysyn" qamtamasyz etý úshin Eýropaǵa qosymsha 2000 sarbazyn jiberdi, sonymen qatar, Germanıadan Rýmynıaǵa taǵy 1000 sarbazyn qaıta ornalastyryp jatyr" dep habarlady Pentagon.

Vashıngton men Máskeý arasyndaǵy jýyrdaǵy kelissózder shıelenisti báseńdete almaǵan.

AQSH Qorǵanys mınıstrliginiń baspasóz hatshysy Djon Kırbı jýrnalıserge áskerler jaqyn arada jiberiletinin aıtty. Onyń sózinshe, bul ótken aptada Pentagon aıtqan 8500 sarbazdan bólek jaýyngerler.

"Bul – kúsh agresıany boldyrmaýǵa jáne maıdandaǵy odaqtas memleketterdiń qorǵanys qabiletin arttyrýǵa arnalǵan" dedi Djon Kırbı. 

Pentagon baspasóz hatshysynyń aıtýynsha, Reseı prezıdenti Vladımır Pýtın sońǵy 24 saǵattyń ózinde shekaralarda áskerı kúshterdi kóbeıtip jatyr. Reseıdiń batysy men Belarýste, Jerorta teńizi men Atlant muhıtynyń soltústigine reseılik sarbazdar jiberilip, shabýyldaý qaýpin arttyrýda.

"Pýtın shıelenisti báseńdetýge múddeli ekenin kórsetken joq" dedi Kırbı.