Elordada Qazaq handyǵynyń 550 jyldyǵyna oraı Qazaqstan sýretshileriniń grafıkalyq kórmesi ashyldy. Kórmege Qazaq handyǵy taqyrybyna negizdelgen 70 jýyq týyndy usynyldy, dep habarlady qalalyq ákimdiktiń baspasóz qyzmetinen. bul týraly "Qamshy" portaly Aıqyn-aqapartqa silteme jasaı otyryp habarlaıdy.

Kelýshiler Qazaqstanda oryn alǵan naqty tarıhı oqıǵalarmen baılanysty kúrdeli kompozısıalardy, sújetterdi, halyq jadynda saqtalǵan beınelermen somdalǵan tarıhı tulǵalardyń portretterin, belgili derekter men taqyryptardy kórkem sýretteı otyryp, qazaq tarıhynyń jıyntyq kartınasyn tamashalaı alady.

Kórmege qazirgi zamanǵy sýretshi-grafıkterdiń jumystarynan bólek, Qazaqstandaǵy grafıka baǵytynyń negizin salýshy Qulahmet Qojyqovtyń da týyndylary qoıylǵan. Kórmeniń negizgi quramy pastel tehnıkasyndaǵy tanymal sýretshi S. Áljanovtyń, qurǵaq qylqalam tehnıkasyndaǵy S. Taınovtyń týyndylary, týsh jáne akrılmen salynǵan A. Ýtkınniń kompozısıalary, J. Saǵymbaevtyń grattografıasy, jibek mataǵa qalamsappen sýret salý - erekshe avtorlyq tehnıkasymen berilgen O. Esenbaevtyń shyǵarmalarynan turady. Munymen qosa, Astana, Almaty, Qaraǵandy, Shymkent jáne basqa da qalalardyń sýretshileriniń eńbekteri kópshilik nazaryna usynylǵan. 

QR Sýretshiler odaǵynyń tóraǵasy B. Omarbekov sharanyń ashylý saltanatynda Qazaqstan sýretshileri Qazaq handyǵynyń 550 jyldyǵyna arnalǵan taqyrypty asqan qyzyǵýshylyqpen jetkizgenin atap ótti.
Eske salaıyq, kórme QazǴZÝ qazan aıynyń sońyna deıin jalǵasady.