El ishindegi turaqtylyq pen turǵyndardyń qaýipsizdigin saqtaýda quqyq qorǵaý salasyndaǵy qyzmetkerlerdiń eńbegi eren. Bul týraly "Qamshy" portaly Aıqyn-aqparatqa silteme jasaı otyryp habarlaıdy.

 Óıtkeni  olar qoǵamdyq tártipti qyraǵylyqpen saqtap, el tynyshtyǵyn úlken jaýapkershilikpen kúzetedi. Bizdiń búgingi áńgimemizge arqaý bolar azamat QR Bas prokýratýrasy Quqyqtyq statısıka jáne arnaıy esepke alý jónindegi komıtetiniń Mańǵystaý oblysy boıynsha basqarmasynyń arnaıy esepke alý bóliminiń aǵa prokýrory Ánýar Qasymov bolmaq.

Ánýar Qasymov 1986 jyldyń qańta­ryn­da qarapaıym otbasynda dúnıege kel­gen. Nurlybek pen Karımanyń shańy­ra­ǵyn­da Ánýardan bólek Asqar, Jaına ósip-jetilgen. Keıipkerimiz jeti jasynan bas­tap sportpen aınalysyp, talaı do­da­larda el namysyn abyroımen qorǵaǵan. Jal­py, Qasymovtar áýletinen Keńes Oda­ǵy kezinde sambodan sport sheberi, gım­nas­tıkadan sport sheberiniń kandıdattary shyq­qan. Osyndaı ortada tárbıelengen Án­ýar da sporttan alys kete almapty.– Meni jeti jasymnan ákem sportqa je­te­lep apardy. Eń alǵash ret dzúdodan Tash­kent qalasynda ótken jarysta 7 adammen kúrestim. Qarsylastarymnyń barlyǵy álem chempıonatynda, dúbirli dodalarǵa qatysyp, tájirıbe jınaqtaǵan dzúdoshylar bolatyn. Ol kezde oryndardy Olımpıadalyq júıe arqyly taǵaıyn­daı­tyn. Úshinshi orynǵa utylyp qaldym. Dúı­senbi kúni zalǵa jattyǵýǵa kelsem, bapkerim óz qolynan gramota jasap, «Jeńiske degen umtylysy» úshin dep meni marapattady. Eń alǵashqy gra­mo­tam meni talaı shyńdardy baǵyndyryp, bıik­ke jetýime qanat­tan­dyrdy, – deıdi Á.Qa­symov.     
Keıipkerimiz 2000 jyly Shymkenttegi Bekzat Sattarhanov atyndaǵy daryndy ba­lalarǵa arnalǵan sport mektep-ın­ter­natyna qabyldanyp, bilimin jetildirgen. Ne­bári, 15 jasynda dzúdodan sport sheberi ata­nyp, QR Ulttyq quramasyna qabyl­dan­ǵan. Sol jyly Tarazda, Almatyda, Pav­lo­darda, Túrkıada ótken respýblıkalyq, ha­lyqaralyq jarystarda 1 oryndardy ı­e­lengen. 2004 jyly Katarda dzúdodan jas­tar arasynda ótken Azıa chempıo­natyn­da jáne Reseıde ótken halyqaralyq jarysta qolany, 2005 jyly Ýkraınada ótken halyqaralyq týrnırde kúmisti, dál osy jyly Reseıde ótken Azıa kýboginde qolany enshilegen. Sondaı-aq 2005 jyly Qytaıdyń Taıpeı qalasynda dzúdodan jasóspirimder arasynda ótken Azıa chempıonatynda altynnan alqa taǵyp, táýelsiz eldiń tarıhynda alǵash ret dzú­do­dan chempıon atanyp, halqynyń shek­siz yqylasyna bólengen. Sol jyly Re­seıde TMD elderi arasynda ótken ja­rys­ta jáne Shymkentte jastar arasynda ót­ken QR birinshiliginde de chempıon atan­ǵan. 2006-2007 jyldary Shvesıada, Bakýde ót­ken halyqaralyq jarystarǵa qatysyp, tájirıbe jınaqtaǵan. 2010 jyly Qostanaı qa­lasynda sambodan QR quqyq qorǵaý or­gan­dary men kúsh qurylymdary arasynda ót­ken el birinshiliginde jáne 2011 jyly Ta­razda sambodan quqyq qorǵaý organdary ara­synda ótken QR-nyń chempıonatynda kú­misti ıelengen. 
–  Men sporttyń arqasynda álemniń bir­neshe memleketterinde bolyp, ár eldiń ta­rıhymen, salt-dástúrimen jaqyn ta­nys­t­ym. Táýelsiz elimniń bedelin álemdik ja­rys­tarda asqaqtatyp, ánuranyn áýelettim. Ata-ana úmitin aqtap, bapkerlerimniń se­ni­minen shyǵýǵa talaptandym. Meniń sportta jetistikke jetýime atsalysqan, maǵan du­rys baǵyt-baǵdar bergen bapkerlerim Ser­geı Rakov, Baqtıar Qasymov, Vladımır Kıchatovqa aıtar alǵysym sheksiz, – deıdi Á.Qasymov.
2004 jyly E.A.Býketov atyndaǵy Qa­ra­ǵandy memlekettik ýnıversıtetine qujat tapsyryp, bilim alady. Oqý ornynda da bel­sendiligimen kózge túsip, qatarlas­tary­nyń aldy bolyp, talaı jarysta qarsylas shydatpaı, jeńimpaz atanady. Joǵary oqý ornyn «Dene shynyqtyrý jáne sport» ma­mandyǵy boıynsha támamdaıdy. 2008 jy­ly Qaztutynýodaǵy Qaraǵandy eko­no­mı­kalyq ýnıversıtetin «Bıznes jáne quqyq» fa­kúlteti boıynsha támamdap, quqyqtaný mamandyǵyn alyp shyǵady. Eńbekqor jan 2008-2009 jyldary Qaraǵandy oblystyq İshki ister departamentine qarasty jedel áreket etý arnaıy bóliminde (SOBR) aby­roı­ly qyzmet etip, leıtenant shenine deıin k­óteriledi. Qyzmetiniń qyr-syryn jaqsy meń­gergen maman keıin «Arlan» arnaıy ja­saǵyna aýysady. Boıynda bilimge degen qushtarlyǵy men joǵary oqý ornynda oıǵa túıgenderin jumys barysynda da sheber qol­dana bilgen ol Aqtaý qalasyna arnaıy shaqyrtý alady. Osylaısha, 2010 jyly QR Bas prokýratýrasy Quqyqtyq statısıka já­ne arnaıy esepke alý jónindegi ko­mı­tetiniń Mańǵystaý oblysy boıynsha bas­qarmasynyń arnaıy esepke alý bóliminde bas maman bolyp qyzmetke qabyldanady. 2012 jyldyń sáýirinen bastap, osy bólim­niń aǵa prokýrory qyzmetine taǵaıyn­da­lady. Onyń zań salasyndaǵy qyzmetindegi ká­sibı biliktiligi joǵary baǵalanyp, QR-nyń Bas prokýratýrasy Quqyqtyq statıs­tıka já­ne arnaıy esepke alý jónindegi ko­mı­te­tiniń tóraǵasy S.Aıtbaevanyń ar­naıy al­ǵysqatymen marapattalǵan. 
– Qazirgi tańda qaramaǵymda 3 maman ju­mys isteıdi. Oblystaǵy memlekettik or­gandarǵa júrgiziletin josparly nemese jos­parsyz tekserýlerdiń durys júrgizilýi biz arqyly tirkelip, esepke alynady. Biz osy jumystardyń zańdylyǵynyń durys oryn­dalýyn qadaǵalaımyz. Múmkindiginshe, ózimniń mamandyǵyma qatysty ótkiziletin bi­lik­tilik arttyrý kýrstaryna belsendi túr­de qatysyp, bilimimdi shyńdap otyra­myn. Únemi izdenis ústinde júrgen maman ǵa­na bıik belesterdi baǵyndyra alady dep esep­teımin. Sondyqtan da ózime qatań ta­lap qoıyp, oqyp, izdenýden jalyqpaımyn, – deıdi Á.Qasymov. 
Keıipkerimiz bos ýaqytynda sportpen aı­nalysyp, fýtbol oınap, kórkem ádebı shyǵarmalardy oqyǵandy unatady. Odan bólek qaladaǵy sport mektepterine baryp, bolashaq chempıondarǵa sportqa qatysty ke­leli keńesterin aıtyp, tájirıbesimen bó­lisedi. 
– Men sportpen aınalysyp, talaı jetis­tik­terge qol jetkizsem de, bapkerlikke tolyqtaı bet bura almadym. Quqyq qorǵaý sal­asynda eńbek etip, osy salanyń damýy­na úles qosqandy jón sanadym. Endi qazir­gi eńbek etip júrgen qyzmetimdi jetildirý úshin talaptanatyn bolamyn. Ákemiz bala­laryn: «Ótirik aıtpańdar, ádil bolyńdar, alǵa qoıǵan maqsattaryńa jetý úshin eńbek etińder. Mamandyqtaryńa adal bolyńdar» dep tárbıeledi. Ákemizdiń osy ósıeti ár­daıym jadymda. Sondyqtan adam qaı sa­lada eńbek etse de, sol salanyń alǵa basýy úshin talaptanýy kerek, – deıdi  Á.Qasymov. 
Búginde Ánýar – bir áýlettiń otaǵasy. 2012 jyly ómirlik serigi Mádınamen sha­ńy­raq kóterdi. Otbasynda asyl jar, qyz­mettesteri arasynda bedeldi, inige qamqor, aǵa­ǵa izetti ul uıada kórgen ónegesimen óz­ge­lerge úlgi bolýda. Áriptesteri de ony sóz­den góri istiń adamy retinde baǵalaıdy. Adamı qasıetinen, jigittik namysynan aı­­nymaıtyn Ánýar qandaı jaǵdaıda da óz­­gelerge ónege bolar adamgershilikti jo­ǵary us­taıdy.