Bolashaq pen jastar - kóbine birdeı kóretin, al negizinen eki uǵym. Jastyq shaq eshteńeden qoryqpaıdy, álem úshin ashyq, armanǵa toly, oqýǵa daıyn, óz maqsataryna jetý jolynda kedergilerdi eleı bermeıdi. Bul týraly Qamshy portaly QazAqparatqa silteme jasaı otyryp habarlaıdy.
Álem jas azamattar ashqan kóptegen jańalyqtar, bıznestiń talaı tabysty oqıǵalaryn bilip otyr. Búkil álemdegi jas azamattar búginde bıznespen belsendi aınalysyp, kásipkerlik qyzmettiń jańa ıdeıalaryn túrlendirip, táýekelge bel baılaýdan, jańadan bastaýdan qoryqpaıdy.
Búginde qazaqstandyq jastar - qoǵamnyń áleýmettik-demografıalyq qurylymynda eń iri áleýmettik toptardyń biri. Eldegi 18 ben 29 jas aralyǵyndaǵy jas azamattardyń sany respýblıka turǵyndarynyń jalpy sanynyń shamamen 20 paıyzyn qurap otyr. Jastar úlken áleýetke ıe jáne shaǵyn bıznespen belsendi aınalysa alady. Jas azamattar qurǵan shaǵyn kásiporyndar tutynýshylyq suranystyń barlyq qalaýyn ýaqytynda eleı alady. Jastardyń jeke bıznes qurý isindegi áleýeti úlken.
Tájirıbesiz, qarjy bolmaı básekelestik jaǵdaıynda jeke bıznesti ashý, árıne, ońaı is emes. Jastardyń kóp bóligi (sarapshylardyń málimetterinshe - 80 paıyzdan astamy) jeke bıznesti júrgizgisi kelgenimen amalsyz jaldamaly qyzmetkerler bolyp jatyr. Memleket tarapynan jastardyń boıyndaǵy janyp turǵan kásipkerlik rýhyna qoldaý kórsetip, bastapqy kezeńde keńes berý, sondaı-aq qarjylyq qoldaý kórsetý óte mańyzdy.
Búkil álemde memleket jastardyń bastamalaryna úlken kóńil aýdaryp otyr. Avstrıa Federaldyq ekonomıka palatasynyń janynda isin jańadan bastaǵan kásipkerlerge jeke bıznes ashýǵa qajetti quqyqtyq jáne tájirıbelik usynystar beretin konsaltıń ortalyǵy bar Avstrıanyń jas ekonomıkasy arnaıy uıymy qyzmet atqaryp jatyr. AJE negizinen búdjetten qarjylandyrylady.
40 jasqa deıingi jas kásipkerler men basqarýshy qyzmetkerlerdi biriktiretin Federaldyq deńgeıdegi birlestik sondaı-aq, Germanıada da bar. Uıymnyń aldynda kásipkerdiń Qoǵamdaǵy joǵary mártebesin qoldaý mindeti tur. Kásipkerlerdiń taǵy bir jastar birlestigi - Otbasylyq kásiporyn ıesi jastar odaǵy. Odaq óz jumysyn 1950 jyldan beri júrgizip keledi. Odaqqa 10 jumyskerden nemese jyldyq aınalymy 1 mln. eýrodan kem bolmaıtyn kásiporyn ıesi múshe bola alady. Odaq músheligine sondaı-aq, bes jyldyń ishinde kásiporyndy qajetti deńgeıge shyǵarýǵa múmkindigi bar ekenin dáleldep shyqqan isin jańadan bastap jatqan kásipker de kire alady.
Osyǵan uqsas qorlar Kanadada da bar. Jastar kásipkerliginiń qory federaldyq deńgeıdegi komersıalyq emes uıym bolyp tabylady, ony Kanadanyń Ónerkásip mınıstrligi de, iri bankter de qarjylandyrady. Qor kómegi arqyly 4000-nan astam jas kásipkerler ınvestısıalandy.
Japonıada Jas kásipkerler federasıasy (JKF) kóptegen jergilikti SÓP-nyń qurylymdyq bólimshesi bolyp tabylady. Bolashaǵy zor ıdeıalardy anyqtaý úshin Japonıanyń SÓP janyndaǵy JKF sondaı-aq bıznes-josparlardyń jalpyulttyq baıqaýyn uıymdastyryp otyrady. Onyń jeńimpazdaryna jumystaryn komersıalandyrý jáne basqarý ádisterin jetildirý boıynsha qajetti keńester usynylyp otyrady.
Bastamashyl qazaqstandyq jastar da memleket qoldaýyna arqa súıeı alady. 2012 jyly «Jas kásipker mektebi» jobasy aıasynda Shymkent qalasynda jastar kásipkerligin damytý boıynsha ilki joba iske qosyldy. Úsh aılyq oqytý nátıjesi boıynsha mektep bitirýshi eki jas azamat «Bıznestiń jol kartasy-2020» baǵdarlamasy aıasynda grant alyp, óz jobalaryn tabysty iske qosty.
2013-2014 jyldary joba Qazaqstannyń bes aımaǵyndaǵy jergilikti JOO jáne «Damý» qorynyń oblys ortalyqtary men Astana, Almaty jáne Semeı qalalaryndaǵy kásipkerlerge qyzmet kórsetýdiń 17 ortalyǵynda iske asyryldy.
Mektep túlekteri bilim alyp qana qoımaı, bıznes ıdeıalaryn tájirıbe júzinde iske asyra bastady. Osylaısha, jylyjaılarǵa arnalǵan jabdyqtardy shyǵarý, qoıandardy ósirý, damytatyn kompúterlik qosymshalardy jasaý jáne t.b. bıznes-ıdeıalar «Bıznestiń jol kartasy-2020» baǵdarlamasynyń aıasynda maquldanyp, memlekettik grantqa ıe boldy.
«Bolashaq» qaýymdastyǵy júlde qory 25 mln. teńgeni quraıtyn «Startup «Bolashak» startap-jobalarynyń baıqaýyn iske qosty. Baıqaýǵa búkil Qazaqstandaǵy 18 ben 29 jas aralyǵyndaǵy jas azamattar qatysa alady. Startap-jobalar baıqaýynda «Bolashaq» Qaýymdastyǵynyń 3 granty qarastyrylǵan. İ oryn úshin - 7 mln. teńge, İİ orynǵa - 5 mln. teńge jáne İİİ oryn úshin - 3 mln. teńge, sondaı-aq iri qazaqstandyq kompanıanyń usynyp otyrǵan 10 mln. teńgeni quraıtyn grant jáne bar.
«Bolashak» Qaýymdastyǵy keńesi tóraǵasynyń aıtýynsha, baıqaýǵa qatysý jeke isin endi bastap jatqan kásipkerlerge jobasyn iske asyryp, naqty bıznes-jospardy qurý, ınvestorlarmen kezdesý, jáne eń bastysy - bastapqy kapıtalǵa ıe bolý múmkindigin berip otyr.
Kásipkerlik adamǵa óz qabileti, bilimi, aqparaty jáne kiristerimen basqarý erkindigin beredi. Ol eldiń ekonomıkalyq ósimine septigin tıgizedi. Jeke biregeı oqıǵalardy esepke almaǵanda, jastar kásipkerligi memlekettiń qoldaýynsyz órisin tıisti túrde keńeıte almaıdy.
