Májilis "Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý" týraly zań jobasyn birinshi oqylymda maquldady.
Zań jobasy memlekettik qyzmetshiler men olardyń áıeliniń resmı tabysy men shyǵyny aralyǵyndaǵy alshaqtyqty baqylaýdy kózdeıdi.
"Memlekettik qyzmetshilerdiń, olarǵa teńestirilgen adamdar, olardyń jubaılarynyń shyǵystary kiristerine qanshalyqty sáıkes keletini baqylanady. Ári fıskaldyq jáne mansaptyq sanksıalar belgilenedi. Mundaı sanksıalar kiris pen shyǵystaǵy aıtarlyqtaı alshaqtyqtar úshin qoldanylady. Máselen, eger shyǵystar men kirister alshaqtyǵynyń somasy eń tómen eseptik kórsetkishtiń myń eselengen mólsherinen asyp ketse (2022 jyly 3 mln 63 myń tg), memlekettik qyzmetshige alshaqtyq somasynyń 90 paıyzy mólsherinde ákimshilik aıyppul salynady. Eger de shyǵystar men kirister alshaqtyǵynyń somasy memlekettik qyzmetshiniń jyldyq kirisinen asyp ketse, onda ol memlekettik qyzmetten bosatylady.
Zań boıynsha árbir jaǵdaıda adamǵa shyǵystarynyń zańdylyǵyn negizdeý múmkindigi beriledi.
Ózgeristerdi 2027 jyldan bastap qoldanysqa engizý josparlanyp otyr, óıtkeni, 2025 jyly óz kiristeriniń mólsheri týraly respýblıkanyń barlyq azamattary esep beretin bolady, al 2026 jyldan bastap olardyń shyǵystaryn kiristerimen salystyrý prosesi bastalady.
Pikir qaldyrý