AQSH prezıdenti Djo Baıden Aq úıden sóılegen sózinde Máskeý Ýkraına shekarasy mańynan áskerlerin keri qaıtaryp jatyr degen aqparat anyq emes ekenin málim etti.

Biraq Máskeýden kelgen aralas sıgnaldar kezinde Vashıngton men Eýropadaǵy kóshbasshylar "soǵystyń aldyn alýy múmkindigi bar" dedi. Sonymen qatar abaılap, optımısik kózqarasta bolý kerek ekenin málimdeýde.

"Eger Reseı óz kúshterin keri qaıtarsa, bul – jaqsy, biraq biz muny áli rastaǵan joqpyz. Shynyn aıtqanda, bizdiń sarapshylarymyz olardyń qaýip tóndiretin pozısıada ekenin kórsetedi" degen Baıden Reseıdiń Ýkraına aınalasyda 150 myńnan astam áskeri bar ekenin atap ótti. Onyń sózinshe, bul burynǵy 130 000-ǵa jýyq dep eseptelgennen aıtarlyqtaı kóp. Baıden "basqynshylyq áli de múmkin ekenin" aıtady.

AQSH prezıdenti Reseıdiń daǵdarystan dıplomatıalyq jolmen shyǵý jolyn taba alatynyna senimdi ekenin de jetkizdi. 

Buǵan deıin Reseı prezıdenti Vladımır Pýtın men AQSH prezıdenti Djo Baıden telefon arqyly sóılesken.

"Eger onyń qalaýy bolsa, biz Reseı, AQSH jáne Eýropa elderi arasynda qaýipsizdik máselelerin sheshýdegi jazbasha kelisimge kelý úshin joǵary deńgeıde dıplomatıany jalǵastyrýǵa daıyn ekenimizdi kórsetemiz" dedi Baıden.

Ol reseılikter kelissózderdi jalǵastyrýǵa daıyn ekenin bildirgenin de atap ótti.