Aqqan aýrýyna shaldyǵyp, Túrkıanyń Stambýl qalasynda em alyp júrgen 9 jasar Aınara Oralhannyń emine, onyń qulan-taza aıyǵyp, basqa balalar sekildi alańsyz oınap, kúlip, sekirip júrýi úshin qarjy kerek.

Aınaraǵa aqqan dıagnozy qoıylǵan. Ol byltyr januıasymen em alý úshin Túrkıanyń "Bau Medikal Park" onkologıalyq ortalyǵyna júginedi. Dárigerler Aınaranyń emine 140 myń dollar qarajat kerek ekenin aıtqan. Búginge deıin Aınaranyń ákesi ózindegi bardyń bárin satyp kerekti aqshanyń 100 myń dollaryn taýyp qoıypty. Emge áli 40 myń dollar jetpeı tur. Amaly taýsylǵan Aınaranyń ata-anasy endigi kezekte halyqtan kómek suraýǵa májbúr.

"Bir aıdan beri tynysh ómirimiz 360 gradýsqa ózgerip jatyr. Bul da bolsa Allanyń qalaýy, biz pende Allanyń synaǵyna kóngennen basqa amalymyz joq eken. Jedel lımfoblastıkalyq leıkemıa (aqqan aýrýy). Estigende atynyń ózi qorqynyshty aýrý bizdiń tula boı tuńǵyshymyz, baýyr et balapanymyzǵa qoıylǵanda aspan aınalyp jerge túskendeı boldy, tóbemizden aýyr soqqy alǵandaı eseńgiredik, jyladyq, nege osy jaǵdaı týra bizde boldy dep óz-ózimizdi kináládyq. Jyǵylǵanda súıeıtin etjaqyn týystar men janashyr dostardyń qoldaýymen bir Alla dep Stambýl qalasyna kelip, em alýdy bastap kettik" degen Aınaranyń ata-anasy kópshilikten az-azdan bolsa da kómek qolyn sozýdy suraıdy.

Jadyrap oınap júrýdiń ornyna aýrýhana kereýetine tanylǵan búldirshin sizdiń kómegińizge muqtaj. 9 jastaǵy Aınaranyń syrqatynan aıyǵýyna, syńǵyrlap ýaıymsyz kúlip júrýine atsalysqyńyz kelse, tómende kórsetilgen rekvızıtterge múmkindigińizge qaraı aqsha aýdarýyńyzǵa bolady. 

 

 

 

Posmotret etý pýblıkasıý v Instagram

 

 

 

Pýblıkasıa ot Araı Toktasyn (@araitoktassyn)