Belgili sportshy, aýyr atlet Ilá Ilınniń aǵasy para berdi degen kúdikpen ustaldy. Bul týraly jýrnalıs Mıhaıl Kozachkov Telegram-kanalynda habarlady.

"Sybaılas jemqorlyqqa qarsy qyzmet Qyzylordada ótken jyly 6 mıllıon teńge alý ústinde qala prokýratýrasynyń qoǵamdyq múddelerdi qorǵaý bóliminiń bastyǵy Álıhan Bazarbaevty qamaýǵa alǵan. Qadaǵalaý organynyń qyzmetkeri 5 sporttyq balalar mektebiniń jumysy boıynsha oń qorytyndy berý úshin aqsha alǵan. Al oǵan aqshany bes sport jetekshisi – Imanbek Jumabaev, Abylaıhan Aqbergenov, Serik Seksembaev, Erbol Kıkbaev jáne aýyr atletıkadan burynǵy olımpıada chempıony Ilá Ilınniń aǵasy Alekseı Ilın jınap bergen" delingen jazbada. 

Telegram kanaldaǵy aqparatqa súıensek, jaqynda bul is boıynsha úkim jarıalanǵan. Bazarbaev "kináli" dep tanylyp, para berýshilerdiń jaýapkershiligi týraly másele qaralǵan.

"16 aqpanda beseýi de ýaqytsha ustaý ızolátoryna qamaldy, erteń bultartpaý sharasyn tańdaý máselesi sheshiletin bolady" dep jazdy Kozachkov.