AQSH Reseıge keń aýqymdy sanksıalar saldy. "Biz Reseı úkimetin Batystyń qarjylandyrýynan ajyrattyq" dedi AQSH prezıdenti Djo Baıden. 

Buǵan deıin Reseı prezıdenti Vladımır Pýtın Ýkraınanyń shyǵysyndaǵy Donbassqa ásker jiberýge ruqsat bergen. Baıden muny "Reseıdiń Ýkraınaǵa basyp kirýiniń bastalýy" dep ataǵan.

Reseı Donbasstaǵy Donesk pen Lýgansk separatıstik respýblıkalardyń táýelsizdigin dep moıyndady. Kıev bul áreketti "Ýkraınanyń egemendigine qol suǵý" dep málimdedi.

BBC aqparatyna sáıkes, Batys elderi Reseı áreketin iri shabýyl úshin syltaý retinde qarastyrady.

Dúısenbide Pýtın Donesk pen Lýgansk aımaqtaryna ásker kirgizetinin málimdep, ony "beıbitshilikti saqtaý" dep túsindirgen. Buny AQSH "nonsens" dep atady.

"Sońǵy 24 saǵattaǵy spýtnıktik sýretter Reseıdiń batysynda jańa ásker men tehnıkanyń ornalastyrylǵanyn jáne Ýkraına shekarasyna jaqyn Belorýstegi aerodromda 100-den astam kólik bolǵanyn kórsetti" dep habarlady AQSH ǵaryshtyq tehnologıalar kompanıasy "Maxar".

Reseı Ýkraınanyń shyǵysyna qosymsha ásker jibergenin rastamady da, teristemedi de.