Senat tóraǵasy Máýlen Áshimbaev Ýkraınadaǵy oqıǵalarǵa qatysty pikir bildirdi. Ol shıelenisti kelissózder arqyly beıbit jolmen sheshý mańyzdy ekenin aıtty.

– Biz jaǵdaıdyń ýshyǵyp, jańa kezeńge shyqqanyn kórip otyrmyz. Aqparat kelip jatyr, oǵan sáıkes jaǵdaı shıelenistiń jańa deńgeıine kóterildi deýge bolady. Bul jaǵdaıda kelissózder arqyly osy qaqtyǵystyń saıası beıbit sheshimin izdeý óte mańyzdy. Barlyq múddeli tarap shaqyrylǵan kelissóz. Kelissózder barysynda barlyq qatysýshy tarap múddeleri eskerilýi kerek jáne BUU sheńberindegi kelissózder tıimdi bolar edi, – dedi senat tóraǵasy.

Áshimbaev sondaı-aq Qazaqstan ujymdyq qaýipsizdik týraly shart uıymy aıasynda qaqtyǵysh oshaǵyna bitimgerlik kúshterdi jibermeıtinin, tek uıymǵa múshe elder aýmaǵyna jibere alatynyn jetkizdi.

Qazaqstannyń Syrtqy ister mınıstrligi Ýkraınadaǵy sońǵy oqıǵalarǵa baılanysty Qazaqstan Respýblıkasynyń Kıevtegi Elshiligi azamattarymyzdy evakýasıalaýdy qamtamasyz etip jatqanyn málimdedi.

Buǵan deıin Reseı prezıdenti Vladımır Pýtın Ýkraınanyń shyǵysyndaǵy Donbass aımaǵyn qorǵaımyz degen jeleýmen arnaıy áskerı operasıa bastaıtynyn málimdegen.