Qazirgi ýaqytta Reseı Ýkraınaǵa "arnaıy áskerı operasıa" syltaýmen áskerı shabýyl jasap jatyr. Qamshy portaly túrli derekkózderden aqparat jınap, ahýal barysyn usynady.

Túrli aqparattarda Ýkraına shekarasyna qaraı Reseı jaqtan kóptegen áskerı tehnıka jyljyp kele jatqany aıtylady.

CNN Ýkraınaǵa Belarýs shekarasy arqyly Reseı tankteri bara jatqanyn habarlady.

Ýkraınada áskerı jaǵdaı jarıalanyp, Ýkraına prezıdenti Vladımır Zelenskıı álem elderine Pýtınge qarsy koalısıa qurýǵa shaqyrýda.

Ýkraına áýe keńistigi tolyqtaı jabylǵan.

NATO shuǵyl túrde jıyn ótkizbek. Eýro odaq Reseıdi áskerı qımyldardy doǵarýǵa shaqyryp jatyr.

Kıev, Harkov sekildi iri qalalarda jarylys daýsy estiledi. Halyq dúrbeleńge túsken. Sýpermarketterde, bankomattarda, janar-jaǵarmaı quıý beketterinde uzyn-sonar kezek.

Ýkraınanyń tótenshe jaǵdaı qyzmeti Lýgansk oblysynda eki aýyldy basqynshylar basyp alǵanyn, Kıev oblysynda áskerı qarý-jaraq qoımasy órtengenin jarıalady.

Kıev metrosyna adamdar tegin kirgizilip, jerasty transporty bombydan jansaýǵalaıtyn jer retinde qyzmet etýde.

Ýkraınanyń bas shtaby Donbassta bes ushaq pen tikushaq atyp túsirilgenin aıtsa, Reseı qorǵanys mınıstrligi Ýkraına shekarasynda ózderine eshkim qarsylyq tanytyp jatpaǵanyn jetkizdi.

Oqı otyryńyz:

♦ Zelenskıı brıfıń ótkizdi. Adam shyǵyny týraly alǵashqy resmı derekter aıtyldy