QR Prezıdentiniń baspasóz hatshysy Berik Ýálı Reseı men Ýkraınadaǵy jaǵdaıǵa qatysty búgin 20:30-da "Qazaqstan" Ulttyq telearnasyna suhbat beredi.
"Búgin Reseı Prezıdenti Vladımır Pýtın Donbasta arnaıy áskerı operasıa bastaǵanyn jarıalady. Qazir eki el arasynda áskerı is-qımyldar júrip jatyr. Osy máselede Qazaqstannyń ustanymy qandaı ekenin, sondaı-aq Qańtar oqıǵasyna qatysty saýaldarǵa jaýap beredi" delingen qlttyq arna habarlamasynda.
Búgin Reseı Ýkraınanyń shyǵysyndaǵy Donbass aımaǵyn qorǵaımyz degen jeleýmen arnaıy áskerı operasıa bastady. Ýkraına muny ózine qarsy jasalǵan basqynshylyq soǵys dep baǵalaýda.
Qazirgi ýaqytta Ýkraınada áskerı rejım engizilgen. Túrli aqparattarda Ýkraına shekarasyna qaraı Reseı jaqtan kóptegen áskerı tehnıka jyljyp kele jatqany aıtylady.
Ýkraına prezıdenti Vladımır Zelenskıı álem elderine Pýtınge qarsy koalısıa qurýǵa shaqyrýda.
Ýkraınanyń tótenshe jaǵdaı qyzmeti Lýgansk oblysynda eki aýyldy basqynshylar basyp alǵanyn, Kıev oblysynda áskerı qarý-jaraq qoımasy órtengenin jarıalady.
Sondaı-aq Ýkraına tarapynan bir adam mert bolǵany habarlandy.
Oqı otyryńyz:
♦ Prezıdent baspasóz hatshysynyń búginge josparlanǵan suhbaty keıinge qaldy
Pikir qaldyrý