AQSH qorǵanys salasynyń joǵary laýazymdy sheneýnigi Reseıdiń Ýkraınaǵa basyp kirýiniń toǵyzynshy kúnindegi negizgi oqıǵalardy Pentagon qalaı baǵalaıtyny týraly jýrnalısermen brıfıń ótkizdi. Bul týraly BBC habarlady.
Reseıdiń basqynshylyq soǵysy bastalǵannan beri Máskeý 500-den astam zymyran atqany, Reseıdiń áskerı kúshteriniń 92%-y qazir Ýkraınada ekeni aıtyldy.
Kıevtiń soltústigine jaqyndap kele jatqan Reseı negizgi kúshterine qalaǵa jetýge 25 km qalǵan.
Reseı áskerleri Chernıgov pen Harkov qala ortalyqtarynan 10 shaqyrymdaı jerde.
Ońtústikte Reseıdiń baqylaýyna ótken Hersonda shaıqastar áli de jalǵasýda.
Qazir Odessanyń soltústik-shyǵysyndaǵy Nıkolaevtiń ishinde shaıqas júrip jatyr.
Pikir qaldyrý