Reseı prezıdenti Vladımır Pýtın eldiń qarýly kúshteri týraly "jalǵan" aqparat taratqandardy 15 jylǵa deıin bas bostandyǵynan aıyrý jazasyn qarastyratyn zań jobasyna qol qoıdy.
Beısenbi kúni zań jobasyn reseılik depýtattar biraýyzdan maquldady.
Kreml Ýkraına basyp kirýin "arnaıy áskerı operasıa" dep atap, Máskeýdiń áreketin "basqynshylyq" nemese "soǵys" dep sıpattaǵan táýelsiz reseılik BAQ-ty qýdalaǵan. Olardyń keıbiri jabylýǵa májbúr boldy.
Pýtın sondaı-aq Reseıge qarsy sanksıalar engizýge shaqyrǵandarǵa aıyppul salýǵa nemese túrmege qamaýǵa múmkindik beretin taǵy bir zań jobasyna qol qoıdy.
Pikir qaldyrý